تۇرعىن ءۇي ينسپەكتسياسىنىڭ وكىلەتتىكتەرى كەڭەيەدى - دەپۋتات

دەپۋتاتتىڭ بايانداۋىنشا, زاڭ جوباسىندا كوندومينيۋمدى باسقارۋدىڭ ەكى ءتۇرى م ۇلىك يەلەرىن بىرىكتىرۋ, تىكەلەي بىرلەسكەن باسقارۋ تەتىكتەرى ەنگىزىلگەن. 

قاراپايىم سەرىكتەستىكتەر ءوز جۇمىسىن باسقارۋدىڭ ەكىنشى ءتۇرى رەتىندە جالعاستىرادى. ال باسقارۋ سۋبەكتىلەرىنىڭ ەكى ءتۇرى باسقارۋشى كومپانيا, پاتەر يەلەرىنىڭ كووپەراتيۆى قولدانىلادى.

باسقارۋ سۋبەكتىلەرى ءۇشىن جاڭا مىندەتتەر ەنگىزىلەدى: 

- تۇرعىندارعا تسيفرلىق داۋىس بەرۋگە جانە ەسەپ الۋعا مۇمكىندىك بەرەدى;

- ءار ۇيگە بولەك شوت اشادى;

-تۇرعىن ءۇي ينسپەكتسياسىنا قىزمەت باستالعانى جانە قىزمەت كورسەتۋگە الىنعان ۇيلەر تۋرالى حابارلايدى;

- شتاتتا كاسىبي مەنەدجەرلەر بولۋ قاجەت.

پاتەر يەلەرى كووپەراتيۆتەرىنىڭ باسقارۋ سۋبەكتىسى رەتىندەگى قىزمەتىنە جاڭا مىناداي تالاپتار قويىلادى:

قايتا تىركەۋ ءتارتىبى; قۇقىق بەلگىلەيتىن قۇجاتتاردى بەرۋ ءتارتىبى; جۇمىستىڭ اشىقتىعىنا قاتىستى تالاپتار; كىرىستەر تەك جارعىلىق ماقساتتارعا جۇمسالادى.

م ۇلىك يەلەرىنىڭ بىرلەستىكتەرى ءۇشىن بىرلەستىك توراعاسىنىڭ وكىلەتتىگى ءبىر جىلدان ءۇش جىلعا دەيىن ۇلعايىپ, بىرلەستىككە ءۇي باسقارۋ قىزمەتىن ءوز ەركىمەن جۇرگىزۋگە قۇقىق بەرىلەدى. سونداي-اق, توراعا ەڭبەك شارتى بويىنشا كاسىبي باسقارۋشىنى جالداپ, وعان بىرقاتار وكىلەتتىك بەرە الادى.

زاڭ جوباسىندا تۇرعىن ءۇي ينسپەكتسياسىنىڭ وكىلەتتىكتەرى كەڭەيتۋ دە كوزدەلگەن.

كاسىبي باسقارۋشىلاردا بىلىكتىلىك سەرتيفيكاتى بولۋ كەرەك; كوندومينيۋم وبەكتىسى تىركەلۋى ءتيىس; تۇرعىن ءۇي-جايدى پايدالانۋ نورمالارىن ساقتاۋ مىندەتتى; مەملەكەتتىك باقىلاۋدى جۇزەگە اسىرادى, ونىڭ ىشىندە جىلىتۋ ماۋسىمىنا ۇيلەردى دايىندايدى.

قۇرىلىس سالۋشىلار ءبىرىنشى پاتەردى ساتقاننان كەيىن كوندومينيۋمدى تىركەۋگە مىندەتتى. جينالىس حاتتاماسىنا رەسمي قۇجات مارتەبەسى بەرىلىپ وتىر. 

 زاڭ جوباسىندا اكىمشىلىك جاۋاپكەرشىلىك كۇشەيتىلەدى:

- شوتتاردى اشۋ مەرزىمدەرىن بۇزعانى ءۇشىن 50 ايلىق ەسەپتىك كورسەتكىش مولشەرىندە ايىپپۇل;

- اي سايىنعى جانە جىلدىق ەسەپتەردى ۇسىنۋ مەرزىمدەرىن بۇزۋ – 50 ايلىق ەسەپتىك كورسەتكىش مولشەرىندە ايىپپۇل;

- قۇرىلىس سالۋشىنىڭ ءۇي قۇجاتتاماسىن ۇسىنباۋى – ايلىق ەسەپتىك كورسەتكىشتىڭ 100-200  دەيىنگى ايىپپۇل;

- باسقارۋ سۋبەكتىسىنىڭ ءۇي قۇجاتتارىن بەرمەۋى – 50-10 ايلىق ەسەپتىك كورسەتكىشكە دەيىنگى ايىپپۇل قاراستىرىلادى.