جەتىسۋ وبلىسىندا مۇگەدەكتىگى بار ادامداردىڭ قۇقىقتارىن قامتاماسىز ەتۋ جانە قولجەتىمدى ورتا قالىپتاستىرۋ ماقساتىندا 829 الەۋمەتتىك ينفراقۇرىلىم نىسانى تولىق بەيىمدەلدى. بۇل كورسەتكىش 2024 جىلعا جوسپارلانعان 447 نىساننان اسىپ ءتۇستى, دەپ حابارلايدى Egemen.kz.
بەيىمدەلگەن نىسانداردىڭ قاتارىندا 137 دەنساۋلىق ساقتاۋ, 425 ءبىلىم بەرۋ, 91 مادەنيەت, 106 مەملەكەتتىك جانە كۆازيمەملەكەتتىك ۇيىمدار, 25 سپورت, 11 الەۋمەتتىك قورعاۋ, 10 ساۋدا جانە قىزمەت كورسەتۋ ورىندارى جانە 2 كولىك ينفراقۇرىلىمى نىسانى بار.
ينكليۋزيۆتى ساياساتتى دامىتۋ ءۇشىن ەل كولەمىندە 2025-2030 جىلدارعا ارنالعان تۇجىرىمداما, «اmanat» پارتياسىنىڭ جول كارتاسى جانە «حالىقپەن بىرگە» جوباسى ىسكە اسىرىلۋدا. 2023-2027 جىلدار ارالىعىندا ينتەراكتيۆتى قولجەتىمدىلىك كارتاسىنا ەنگىزىلگەن 42 مىڭنان استام نىساندى بەيىمدەۋ كوزدەلگەن, ونىڭ ىشىندە جىل سايىن 20%-دان بەيىمدەلىپ وتىرۋ ءتيىس. قازىرگى تاڭدا رەسپۋبليكا بويىنشا 22 980 نىسان تولىق بەيىمدەلدى.
تالدىقورعان تۇرعىنى, ءبىرىنشى توپتاعى مۇگەدەكتىگى بار ۆاديم ءدرۋزيننىڭ ايتۋىنشا, ازاماتتاردىڭ وتىنىشىنەن كەيىن بىرقاتار عيماراتتاردا قولجەتىمدىلىك ايتارلىقتاي جاقسارعان.
سونىمەن قاتار, 2025 جىلدان باستاپ حالىقتى الەۋمەتتىك قورعاۋ سالاسىنداعى رەتتەۋ جانە باقىلاۋ كوميتەتىنىڭ وبلىستىق دەپارتامەنتى الەۋمەتتىك ينفراقۇرىلىم نىساندارىنا تەكسەرۋلەر جۇرگىزۋدە. بيىلعى جىلى 10 تەكسەرۋ وتكىزىلىپ, 6 ۇيعارىم مەن 8 اكىمشىلىك ايىپپۇل سالىندى. العاش انىقتالعان بۇزۋشىلىقتار بويىنشا ايىپپۇل سالىنباي, الدىمەن ەسكەرتۋ جاسالاتىنى دا اتاپ ءوتىلدى.