بۇگىن باياناۋىل اۋداندىق سوتىندا مايقايىڭ التىن كەنىشىندە 4 قۇتقارۋشىنىڭ ولىمىنە سەبەپكەر بولعان قايعىلى وقيعا بويىنشا قىلمىستىق ءىستى قاراۋ باستالدى,-دەپ حابارلايدى Egemen.kz.
اتالعان وقيعا بويىنشا سوتتا 6 ادامعا ايىپ تاعىلىپ وتىر.
«مايقايىڭالتىن» اق-نىڭ التىن كەنىشىندە ءتورت قۇتقارۋشىنىڭ ءومىرىن قيعان اپاتقا كىنالى تۇلعالار رەتىندە 6 ادام ۇستالعانى تۋرالى بۇعان دەيىن جازعانبىز.
سوتتا «مايقايىڭالتىن» اق-نىڭ بۇرىنعى باس ديرەكتورى مەن ونىڭ ءبىرىنشى ورىنباسارىنا, مايقايىڭ جەراستى كەنىشىنىڭ ديرەكتورى مەن ونىڭ ورىنباسارىنا, كاسىپورىننىڭ باس ينجەنەرى مەن باس ماركشەيدەرىنىڭ مىندەتىن اتقارۋشىعا قاتىستى ايىپ تاعىلدى.
تەرگەۋ قورىتىندىسىنا سۇيەنسەك, كاسىپورىندا 2011 جىلى ازىرلەنگەن جوبا بويىنشا كەن الىنعان جەراستى كەڭىستىكتەرىنە بەتون قۇيۋ قاراستىرىلعان. 2013 جىلى تەحنولوگيا پروتسەسىنىڭ كۇردەلى بولۋىنا بايلانىستى وزگەرىستەر ەنگىزۋگە شەشىم قابىلدانىپ, بەتون قۇيۋدى كەڭىستىكتەردى قۇلاتۋ ادىسىنە اۋىستىرعان. ايىپتاۋشىنىڭ پىكىرىنشە, اتالعان جوبالاردىڭ تالاپتارىن ساقتاماۋ سالدارىنان اتالعان قايعىلى جاعدايعا اكەپ سوقتىرعان.
- اق باسشىلىعى ەرەجەلەردى بۇزىپ, جەراستى تاۋ-كەن جۇمىستارىن 2011 جانە 2013 جىلدارداعى جوبالاردان اۋىتقي وتىرىپ ورىنداعان. كەن الىنعان بوس كەڭىستىكتەردى باقىلاۋ, سونداي-اق وندىرىلگەن تازارتۋ كەڭىستىگىنىڭ بوس جەرلەرىن ماجبۇرلەپ قۇلاتۋ جۇرگىزىلمەگەن. كاسىپورىن قىزمەتكەرلەرى ءۇشىن قاۋىپسىز ەڭبەك جاعدايى قامتىلماعان, سونىڭ ىشىندە كەڭىستىكتەردىڭ ۇستىنگى جاعىندا ورنالاسقان, قۇلاۋى ىقتيمال ايماقتاردى قورشاۋ بويىنشا شارالار قابىلدانباعان جانە گەومەحانيكالىق (گەوتەحنيكالىق) قىزمەت ۇيىمداستىرىلماعان, - دەلىنگەن ايىپتاۋ اكتىندە.
سوتتاعى قىلمىستىق ءىس قر قىلمىستىق كودەكسىنىڭ 277-بابى, 3-تارماعى – «تاۋ-كەن نەمەسە قۇرىلىس جۇمىستارىن جۇرگiزۋ كەزiندە قاۋiپسiزدiك قاعيدالارىن بۇزۋ, ابايسىزدا ەكi نەمەسە ودان دا كوپ ادامنىڭ ولiمiنە اكەپ سوققان ءىس-ارەكەت» بابى بويىنشا قاراستىرىلىپ وتىر. اتالعان باپ بويىنشا سوت كىنالى تۇلعانى ءۇش جىلدان سەگىز جىلعا دەيiنگi مەرزiمگە باس بوستاندىعىنان ايىرا الادى.
بۇگىن سوت وتىرىسىندا ەڭ اۋەلى جابىرلەنۋشىلەردەن, كۋاگەرلەردەن, ساراپشىلاردان جانە سوڭىنان سوتتالۋشىلاردان جاۋاپ الۋعا شەشىم قابىلداندى.
پاۆلودار وبلىسى