اقتوبە وبلىسى پوليتسيا دەپارتامەنتىندە جول قاۋىپسىزدىگىن قامتاماسىز ەتۋ ماسەلەلەرى جونىندەگى ۆەدومستۆوارالىق كوميسسيانىڭ كوشپەلى وتىرىسى ءوتتى, دەپ حابارلايدى Egemen.kz.
وبلىس اكىمىنىڭ ورىنباسارى عالىمجان ەلەۋوۆتىڭ توراعالىعىمەن وتكەن جيىنعا پروكۋراتۋرا مەن باسقا دا مەملەكەتتىك ورگانداردىڭ وكىلدەرى قاتىستى.
وبلىستىق پد باستىعى اباي ءجۇسىپوۆتىڭ ايتۋىنشا, 2025 جىلدىڭ باسىنان بەرى وڭىردە 440 جول-كولىك وقيعاسى تىركەلىپ, 655 ادام زارداپ شەكتى, 15 ادام قازا تاپتى. اپاتتىڭ كوپشىلىگى رەسپۋبليكالىق جانە حالىقارالىق ماڭىزى بار اۆتوجولداردا بولعان.
جول قوزعالىسى ەرەجەلەرىن بۇزۋدىڭ الدىن الۋ اياسىندا 29 ستاتسيونارلىق جانە 21 ءموبيلدى قۇقىق بۇزۋشىلىقتى تىركەۋ جۇيەسى قولدانىلادى, ولاردىڭ كومەگىمەن 2 مىڭعا جۋىق بۇزۋشىلىق انىقتالدى. 20 مىڭ شاقىرىمعا جۋىق اۆتوجولعا تەكسەرۋ جۇرگىزىلدى, ونىڭ قورىتىندىسى بويىنشا بۇزۋشىلىقتاردى جويۋعا 893 ۇيعارىم شىعارىلدى, 97 لاۋازىمدى جانە زاڭدى تۇلعا جاۋاپكەرشىلىككە تارتىلدى.
پوليتسيا ورتاشا جىلدامدىقتى ولشەۋ جۇيەلەرىن ەنگىزۋدى, مالدىڭ تراسسالارعا شىعۋىن بولدىرماۋ ءۇشىن قورشاۋلار ورناتۋدى, جۇرگىزۋشىلەردىڭ ۇيىقتاپ كەتۋىنە جول بەرمەۋ ءۇشىن شۋ جولاقتارىن ۇيىمداستىرۋدى ۇسىندى.
ۆەدومستۆو مالىمەتىنشە, بۇل شارالار اپاتتىلىقتى ازايتۋعا جانە وبلىستىڭ قالا سىرتىنداعى جولدارىنداعى قاۋىپسىزدىك دەڭگەيىن ارتتىرۋعا باعىتتالعان.