اقتاۋداعى «Caspi Bitum» بك» جشس-دا (قازمۇنايگاز ۇك اق ەنشىلەس كاسىپورنى) جاڭعىرتۋ جوباسى اياسىندا العاشقى ماڭىزدى ناتيجەگە قول جەتكىزىلدى. قر پرەزيدەنتىنىڭ تاپسىرماسىنا سايكەس جۇزەگە اسىرىلىپ جاتقان جاڭعىرتۋ جۇمىستارى شەڭبەرىندە 740 توننا جول بيتۋمىنىڭ ءبىرىنشى پارتياسى ءوندىرىلىپ, ساپا پاسپورتى الىندى. بۇل جاڭارتىلعان وندىرىستىك قۋاتتاردىڭ جۇمىسقا تولىق دايىندىعىن كورسەتەدى, دەپ حابارلايدى Egemen.kz.
اۋقىمدى جاڭعىرتۋ جوباسى ەلوۋ-اۆت مۇنايدى باستاپقى وڭدەۋ قوندىرعىسىن جەتىلدىرۋگە باعىتتالعان. نەگىزگى ماقسات – مۇناي وڭدەۋ كولەمىن جىلىنا 1,5 ميلليون تونناعا دەيىن ارتتىرۋ. وسى ماقساتتا جاڭا تەحنولوگيالىق جابدىقتار ورناتىلىپ, ەسكىلەرى الماستىرىلدى.
«ماڭىزدى كەزەڭدەردىڭ ءبىرى — ناۋرىز ايىندا بيىكتىگى 40 مەتر جانە سالماعى 140 توننا بولاتىن جاڭا ت-1102 ۆاكۋمدى باعانانى كۇردەلى مونتاجداۋ جۇمىستارى بولدى. بۇل جابدىق مازۋت وڭدەۋدى ۇلعايتۋعا جانە جاڭا سۋ ساقينالى ۆاكۋم جاساۋ جۇيەسىن قوسا العاندا وزىق تەحنولوگيالاردى پايدالانا وتىرىپ, جول بيتۋمىن ءوندىرۋ ءۇشىن نەگىزگى شيكىزات بولىپ تابىلاتىن جوعارى ساپالى گۋدرون الۋعا مۇمكىندىك بەرەدى. ۆاكۋمدى باعانامەن قاتار قوندىرعىنىڭ اتموسفەرالىق بولىگى, تەحنولوگيالىق پەشتەر, جىلۋ الماسۋ جانە سورعى جابدىقتارى مودەرنيزاتسيادان ءوتتى, سونىمەن بىرگە اۆتوماتتاندىرۋ جانە باقىلاۋ جۇيەلەرى دە جاڭارتىلدى», دەپ حابارلايدى «قازمۇنايگاز» ۇك اق
ايتا كەتەيىك, قۇرىلىس-مونتاجداۋ جۇمىستارى 2024 جىلدىڭ قاراشا ايىندا باستالعان, باس مەردىگەر CITIC Construction كومپانياسى. جوبا تاۋلىك بويى ۇزدىكسىز جۇمىس رەجيمىندە 220-دان استام ماماندى تارتا وتىرىپ جۇزەگە اسىرىلعان. ناتيجەسىندە جوبا بەلگىلەنگەن مەرزىمنەن ءبىر اي بۇرىن اياقتالىپ, ينۆەستيتسيا كولەمى 76 ميلليون اقش دوللارىن قۇراعان.
Caspi Bitum زاۋىتىنىڭ رەسمي ىسكە قوسىلۋى جانە جوبالىق قۋاتقا شىعۋى 2025 جىلعى مامىر ايىنىڭ باسىنا جوسپارلانعان.
بۇل جوبا قازاقستان ءۇشىن ستراتەگيالىق ماڭىزدى. جاڭعىرتۋدىڭ ارقاسىندا بيتۋم ءوندىرىسى جىلىنا 500 مىڭ توننادان 750 مىڭ تونناعا دەيىن ارتادى.