جەمقورلىق ماسەلەسى بۇگىندە وزەكتى تاقىرىپتاردىڭ ءبىرى. ونىمەن كۇرەس كۇن تارتىبىنەن تۇسكەن ەمەس. ەل بولاشاعىنا, ۇلتتىق قاۋىپسىزدىككە ۇلكەن زيان تيگىزەتىن بۇل دەرتپەنكۇرەس حالىق الدىندا تۇرعان ورتاق ماسەلە.
سىبايلاس جەمقورلىق قازىرگى تاڭدا كەز كەلگەن ورتادا تابىلادى. ءبىز ونى كەيدە بايقاماي دا قالۋىمىز مۇمكىن. ويتكەنى كەيبىر ارەكەتتەر ۇيرەنشىكتى, قالىپتى جاعدايعا اينالىپ كەتكەن. ماسەلەن, بالانىڭ امان-ەسەن دۇنيەگە كەلۋى ءۇشىن دارىگەرگە اقشا ۇستاتا قويۋ, وقۋ ورنىندا جوعارى باعا ءۇشىن ۇستازدىڭ كوڭىلىن كوتەرىپ قويۋ, جول ەرەجەسىندەگى ورەسكەل ءتارتىپ بۇزۋشىلىققا پوليتسەيدىڭ كوز جۇما سالۋىنا جاعداي جاساي سالۋ دەگەن سياقتى كۇندەلىكتى ومىردەگى ارەكەتتەر قالىپتى جاعدايعا اينالعان. ونىمەن قانشا كۇرەسەمىز دەسەك تە, قوعامنىڭ ساناسىن وزگەرتۋ وڭاي بولماي تۇر. بۇل ءبىر قوعامنىڭ ابدەن قانىنا ءسىڭىپ كەتكەن دەرت سياقتى. بۇل ارينە ار مەن نامىستىڭ, ادىلدىكتىڭ ماسەلەسى. وسى رەتتە ەڭ اۋەلى حالىقتىڭ رۋحاني باي بولۋىنا, ادام قۇندىلىقتارىن ءبىرىنشى كەزەككە قويۋعا باۋلۋ كەرەك-ءتى. ونىڭ بارلىعى ارينە تاربيەمەن بايلانىستى. ال تاربيە – تال بەسىكتەن. ونى جەڭۋ كەرەك بولسا, ول ءار وتباسىدا, بالا تاربيەسىندە ەسكەرىلۋى كەرەك. بالا ۇيادا نە كورسە, ۇشقاندا سونى ىلەدى. ۇيدە مۇنداي تاربيەلىك ءتۇسىندىرۋ جۇمىستارى جۇرگىزىلمەگەن جاعدايدا دا اتا-انا بالاسىنا دۇرىس ۇلگى كورسەتە بىلسە بولعانى. مۇندايدا بالا وسە كەلە ارينە جات قىلىققا بارمايدى, نەنىڭ دۇرىس, نەنىڭ بۇرىس باعىتقا اپارارىن باعامداي بىلەدى.
«سىبايلاس جەمقورلىققا قارسى ءىس-قيمىلدار تۋرالى» زاڭ تالابىنىڭ اياسىندا جەمقورلىققا قارسى ءىس-ارەكەتتەر ءار سالادا جۇزەگە اسىرىلىپجاتقانى راس. دەسە دە حالىق پاراقورلىق دەرتىمەن ءجيى بەتپە-بەت كەلەدى. سوندىقتان كەز-كەلگەن ورتادا پارا بەرۋ مەن پارا الۋدىڭ جولىن كەسۋدە قوعام بولىپ بەلسەندىلىك تانىتۋىمىز كەرەك. پاراقورلىق مەملەكەتتىك ورگانداردىڭ ءتيىستى قىزمەت اتقارۋىنا كەرى اسەرىن تيگىزبەي قويمايدى. ولاردىڭ بەدەلىنە نۇقسان كەلتىرۋى ءسوزسىز. قازىرگى تاڭدا قوعامىمىزعا قاۋىپ ءتوندىرىپ, وراسان كەسەل كەلتىرەتىن وسىناۋ كەلەڭسىز الەۋمەتتىك قۇبىلىسقا قارسى شارالار قاتاڭ قولعا الىنىپ جاتىر. جەمقورلىقپەن كۇرەس ارنايى دايىندالعان مەملەكەتتىك باعدارلاما نەگىزىندە جۇزەگە اسىرىلۋدا. ەلىمىزدىڭ وركەنيەتىن دامىتقىسى كەلەتىن, ءوز ورتاسىن قۇرمەتتەيتىن ءاربىرازامات مەملەكەت ىشىندەگى ءتارتىپتى بەلگىلى ءبىر جۇيەگە كەلتىرۋگە, ەل ىشىندەگى قاۋىپسىزدىكتى قامتاماسىز ەتۋگە مۇددەلى.
د.شاۋكەت
قر سوت اكىمشىلىگى اسكەري
سوتى دەپارتامەنتىنىڭ
اعا سوت پريستاۆى