جاقىندا ەلىمىزدە ابدەن توزعان 125 تەمىرجول ۆوكزالىنا كۇردەلى جوندەۋ جۇمىستارى باستالادى. ولاردىڭ قاتارىندا اقتوبە وبلىسىنداعى العا, اقتوبە, ەمبى, قاندىاعاش, جەم, قاراۋىلكەلدى, شۇبارقۇدىق ۆوكزالدارى دا بار.
بۇل جونىندە كولىك ۆيتسە-ءمينيسترى ءساتجان ابلاليەۆ اقتوبە وبلىسىنىڭ تۇرعىندارىمەن كەزدەسۋىندە ءمالىم ەتتى. ۆيتسە-مينيستر بىلتىر ەلىمىزدە تەمىرجولداعى جولاۋشىلار تاسىمالى 7%-عا وسكەنىن, سوعان قاراماستان پويىز ۆاگوندارىنىڭ ەسكىرۋى, بيلەت تاپشىلىعى جويىلماي كەلە جاتقاندىعىن دا ايتىپ ءوتتى. كولىك مينيسترلىگى تاراپىنان قولدانىلىپ جاتقان ءىس-شارا – بيىلعى جاز ماۋسىمىندا قوسىمشا 21 ۆاگون قوسىلادى.
«قازىرگى قولدانىستاعى جولاۋشىلار ۆاگوندارىنىڭ 42%-ى ەسكىرگەن. جاسىراتىنى جوق, 30-40 جىل بۇرىن شىققان ۆاگوندار ءالى جولدا ءجۇر. وسى ولقىلىقتى جويۋ ماقساتىندا كەزەڭ-كەزەڭىمەن جاڭالاۋ جۇمىستارى جوسپارعا ەنگىزىلدى. «قتج» ۇك بىلتىر 143 ۆاگون ساتىپ السا, بيىل 226 ۆاگون الۋدى جوسپارلاپ وتىر. استانا, پەتروپاۆل قالالارىندا ۆاگون قۇراستىرۋ زاۋىتى ىسكە قوسىلدى. پەتروپاۆل زاۋىتى العاشقى ۆاگوندارىن وسى جىلدىڭ سوڭىندا «الماتى – ساراتوۆ» پويىزىنا تىركەسە, استاناداعى ءوندىرىس كەلەسى جىلى «الماتى – اتىراۋ», «الماتى – اقتوبە» پويىزدارىنا قوسادى دەگەن جوسپار بار», دەدى س.ابلاليەۆ.
ايتا كەتۋ كەرەك, 2030 جىلعا دەيىن ەلىمىزدە جولاۋشىلار پويىزى ۆاگوندارىنىڭ 80%-ى جاڭالانادى.
اقتوبە وبلىسى