قازاقستاندا وندىرىستىك جاراقاتتانۋ دەڭگەيى 16,8%-عا تومەندەدى. بۇل تۋرالى قر ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتى حابارلادى, دەپ جازادى Egemen.kz.
مەملەكەتتىك ەڭبەك ينسپەكتسياسى جونىندەگى كوميتەتتىڭ مالىمەتىنشە, 2025 جىلدىڭ باسىنان بەرى وندىرىستەگى جازاتايىم وقيعالاردان 293 جۇمىسشى زارداپ شەكتى, ونىڭ 40-ى قايتىس بولدى.
سونىمەن قاتار, بيىلعى جىلدىڭ قاڭتار-ناۋرىز ايلارىندا وندىرىستىك جاراقاتتانۋ 2024 جىلدىڭ سايكەس كەزەڭىمەن سالىستىرعاندا 16,8%-عا تومەندەدى.ءبىرىنشى توقساننىڭ قورىتىندىسى بويىنشا وندىرىستىك جاراقاتتانۋ دەڭگەيى (1000 جۇمىسشىعا شاققانداعى جازاتايىم وقيعالار جيىلىگى كوەففيتسيەنتى) 0,04 قۇرادى.
سونىمەن قاتار, ەلدىڭ وندىرىستىك ايماقتارىندا جاراقات الۋدىڭ جوعارى دەڭگەيى ساقتالىپ تۇر:
قاراعاندى وبلىسىندا 31 ادام زارداپ شەكتى, قوستاناي وبلىسىندا – 27, شىعىس قازاقستان وبلىسىندا – 24, اقتوبە وبلىسىندا – 22, اتىراۋ وبلىسىندا – 22, الماتىدا – 19.ەكونوميكالىق سالالار بويىنشا ەڭ كوپ زارداپ شەككەندەر تاۋ-كەن مەتاللۋرگيا كەشەنىندە (جالپى زارداپ شەككەندەردىڭ 15,3%) جانە قۇرىلىس سالاسىندا (12%) بولدى.
جازاتايىم وقيعالارعا اكەلەتىن نەگىزگى سەبەپتەر:
جۇمىس ءوندىرىسىنىڭ قاناعاتتانارلىقسىز ۇيىمداستىرىلۋى (بارلىق جاعدايدىڭ 34,4%); جابىرلەنۋشىنىڭ ءوزىنىڭ ورەسكەل ابايسىزدىعى (32%); جول قوزعالىسى ەرەجەلەرىن بۇزۋ (8,4%); قاۋىپسىزدىك جانە ەڭبەكتى قورعاۋ ەرەجەلەرىن بۇزۋ (7,6%).