جاسىرىن جۇمىس ىستەگەن ماينينگ-فەرما انىقتالدى

ماينينگ-فەرما قالادا 2022 جىلدان 2024 جىلدىڭ مامىرىنا دەيىن جاسىرىن جۇمىس ىستەگەن. كۇمان تۋدىرماس ءۇشىن قوزعالتقىشتاردى وڭدەۋ ورتالىعى رەتىندە اشىلعان. وسى ارالىقتا ايىپتالۋشىلار ءبىر مەگاپوليستىڭ تۇرعىن اۋدانى ءبىر ايدا پايدالاناتىن ەلەكتر ەنەرگياسىن شىعىنداپ ۇلگەرگەن. ءۇش ازاماتقا قاتىستى ۇكىم دە شىقتى. انىقتالعانداي, ولاردىڭ زاڭسىز جولمەن العان تسيفرلىق اكتيۆتەرى 143 ملن تەڭگەدەن اسادى ەكەن.

ء«تىنتۋ بارىسىندا 1 257 اسيكماينەر (تسيفرلىق اكتيۆتەردى وندىرۋگە ارنالعان جابدىق), ونەركاسىپتىك سالقىنداتقىش جەلدەتكىشتەر مەن ترانسفورماتورلىق ستانتسيا الىندى. سوت ولاردى قر قك 214-بابىنىڭ 2-تارماعى بويىنشا كىنالى دەپ تانىپ, ايىپپۇل سالۋ جازاسىن تاعايىندادى», دەلىنگەن اگەنتتىكتىڭ حابارلاماسىندا. 

سوت شەشىمىمەن مەملەكەت پايداسىنا 900 ملن تەڭگەدەن استام م ۇلىك, ناقتىلاساق, «Toyota Camry», «Nissan Juke» كولىگىمەن قوسا, ماينينگ جابدىقتارى تاركىلەنگەن. وسىعان قوسا, سوت ايىپتالۋشىلارعا قىلمىستىق تابىس مولشەرى رەتىندە 143,2 ملن تەڭگەنى مەملەكەتكە قايتارۋدى مىندەتتەدى. ۇكىم زاڭدى كۇشىنە ەنگەن.