15 ءساۋىر – عاشىقتار كۇنى اقتوبەدە 22 جۇپ شاڭىراق كوتەردى دەپ حابارلايدى Egemen.kz.
«ازاماتتارعا ارنالعان ۇكىمەت» مەملەكەتتىك كورپوراتسياسىنىڭ احات بولىمدەرىنىڭ دەرەگىنە قاراعاندا, وسى جىلدىڭ ءبىرىنشى توقسانىندا اقتوبە وبلىسىندا 1045 نەكە تىركەلسە, ونىڭ باسىم بولىگى وبلىس ورتالىعى جانە مۇعالجار, حرومتاۋ, شالقار اۋداندارىنىڭ تۇرعىندارى.
ازاماتتار نەكە قيۋعا ءوتىنىشتى احات بولىمدەرى, ەلەكتروندىق ۇكىمەت پورتالى نەمەسە ەكىنشى دەڭگەيلى بانكتەردىڭ قوسىمشالارى ارقىلى بەرە الادى. جولدانعان ءوتىنىشتى مەملەكەتتىك ورگاندار ء بىر جۇمىس اپتاسى ىشىندە قارايدى. نەكە قيۋ ءراسىمى 15 كۇننەن كەيىن تاڭدالعان احات بولىمىندە وتكىزىلەدى. ەگەر نەكە قيۋ سالتاناتى دەمالىس نەمەسە مەرەكە كۇندەرىنە تۇسپا-تۇس كەلگەن جاعدايدا, ءراسىم كەلەسى جۇمىس كۇنىنە اۋىستىرىلادى.