اقش-تىڭ پرەزيدەنتى دونالد ترامپقا ەرەكشە ەسكەرتكىش تارتۋ ەتىلدى. Trump International Golf Club گولف كلۋبىندا ونىڭ قۇرمەتىنە «بۇعاۋعا كونبەۋ ەسكەرتكىشى» اتتى قولا ءمۇسىن ورناتىلدى, دەپ حابارلايدى Egemen.kz.
جەتى فۋتتىق قولا ەسكەرتكىش كلۋب ءۇيى مەن 27 شۇڭقىرلى الاڭنىڭ ءبىرىنشى لۋنكاسىنىڭ اراسىندا ورنالاسقان.
بۇل سىيلىقتى ترامپقا نيۋ-يورك شتاتىنىڭ 21-ءشى سايلاۋ وكرۋگىنەن كونگرەسكە ۇمىتكەر ءارى كاسىپكەر ەنتوني كونستانتينو تابىستاعان. ول ءوزىنىڭ X-تەگى پاراقشاسىندا بۇل ەسكەرتكىشتىڭ ەرەكشە ماڭىزعا يە ەكەندىگىن اتاپ وتكەن.
ترامپ پەن كونستانتينو ەسكەرتكىشتى ورناتىپ, كەيىننەن گولف ويناۋعا بارعان. ولارمەن بىرگە بەلگىلى ساياسي كەڭەسشى رودجەر ستوۋن مەن ترامپتىڭ ۇلى بارروننىڭ دوسى بو لوۋدون دا بولعان.