بۇل – شالقار اۋداندىق تاريحي-ولكەتانۋ مۋزەيىندە ساقتالعان بولىس, بي مىرزاعۇل شمان ۇلىنىڭ قولدانعان جەز تاباعى. كولەمى 30ح30 سم بولاتىن, سىرتقى جاعىندا «1882 گ.» دەگەن ويىلىپ جازىلعان ۇساق جازۋى بار, شىنى اياق قوياتىن دۇنيەنى ۇرپاعى س.مىرزاعۇل تاپسىرعان.
مىرزاعۇل شمان ۇلى شالقار توپىراعىندا ەسەت كوتىبار ۇلىنىڭ كوتەرىلىسىنەن كەيىن ەل بيلەگەن. 1901–1905 جىلدارى «ورىنبور-تاشكەنت» تەمىرجولى قۇرىلىسىن جۇرگىزۋگە بەلسەنە قاتىسقانى ەل-جۇرتتىڭ ەسىندە قالدى. ءومىربايان جولدارىنا ۇڭىلسەك, مىرزاعۇل بي 1872–1879 جىلدارى ىرعىز ۋەزىنىڭ ارالشي بولىسىن باسقارعان. 1878 جىلى قازاقتىڭ ءبىراز رۋباسىلارى قۇرامىندا سانكت-پەتەربۋرگتەگى ءىى الەكساندر پاتشانىڭ قابىلداۋىندا بولدى. ەل ىشىندە مەكتەپ سالۋ ءىسىن قولداعان. مىرزاعۇل بي شالقار قالاسىندا 2 كلاستىق ورىس-قازاق مەكتەبىن اشۋعا اتسالىسقان. 1882 جىلى ماۋسىمدا وتكەن ورال, تورعاي وبلىستارىنىڭ بولىستارى مەن بيلەرىنىڭ قۇرىلتايىندا پاتشا ۇكىمەتىنىڭ جەر ساياساتىن اشىق سىناعان. 1891–1908 جىلدارى ەكى رەت شەڭگەلدى بولىسىن باسقارعان.
قازاق جەرىن بولشەكتەۋگە قارسى شىققانى ءۇشىن 1891 جىلى 15 قاڭتاردا بولىستىقتان الىنىپ, 6 ايعا سوتتالعان. جازاسىن ورىنبور تۇرمەسىندە وتەپ كەلەدى. ودان كەيىن دە جەر ساياساتىنا قارسى تولقۋلاردى ۇيىمداستىرعانى ءۇشىن قايتا سوتتالىپ, 1908 جىلى ورىنبور تۇرمەسىندە كىسى قولىنان قازا تاپقان.
اقتوبە وبلىسى