باس پروكۋروردىڭ ورىنباسارى عالىمجان قويگەلديەۆ شەرزات بولاتتىڭ ءۇيىنىڭ ورتەنۋىنە قاتىستى تەرگەۋدىڭ جاڭا مالىمەتتەرىن ايتتى, دەپ حابارلايدى Egemen.kz.
عالىمجان قويگەلديەۆتىڭ ايتۋىنشا, بۇل ءىس بويىنشا سوتقا دەيىنگى تەرگەۋ ءالى جالعاسىپ جاتىر.
«ساراپتامالار كەڭ اۋقىمدا جۇرگىزىلدى. بۇل ساراپتامالاردىڭ بەلگىلى ءبىر ناتيجەلەرى بار (...) ءبىز رەسەي فەدەراتسياسىنا حالىقارالىق تەرگەۋ بۇيرىعىن جىبەردىك», دەدى قويگەلديەۆ سەناتتا وتكەن بريفينگتە.
باس پروكۋروردىڭ ورىنباسارى تۇسىندىرگەندەي, ءىستىڭ تولىقتىعىن زەرتتەۋ ءۇشىن ءتارتىپ ساقشىلارى ءورت شىققان كۇنى ءۇي ماڭىندا قانداي كولىكتەر تۇرعانىن سپۋتنيك ارقىلى انىقتاعىسى كەلەدى. بۇل ءۇشىن تاعى ءبىراز ۋاقىت كەرەك.
ەسكە سالا كەتەيىك, 2024 جىلى 4 قازانعا قاراعان ءتۇنى تالعاردا ءبىر توپ ادام ءجاسوسپىرىمدى قاتىگەزدىكپەن ءولتىرىپ كەتكەن ەدى. بەلگىلى بولعانداي, 16 جاستاعى شەرزات بولات دۇكەندە اكەسىنە كومەكتەسىپ جۇرگەن كەزدە اگرەسسيۆتى تۇتىنۋشىعا تاپ بولىپ, جانجال باستالعان. ساتىپ الۋشى دوستارىنا قوڭىراۋ شالىپ, ءبىر توپ ادام بولىپ شەرزاتتى, ونىڭ اكەسى مەن اعاسىن پىشاق جانە مىلتىقپەن ۇرىپ-سوعا باستاعان.