قوستانايداعى «جاستار سارايىندا» «تازا قازاقستان» باعدارلاماسى اياسىندا اتقارىلعان ءىس-شارالار قورىتىندىلانىپ, الدا اتقارىلار جوسپار-مىندەتتەر پىسىقتالدى.
وبلىس اكىمى قۇمار اقساقالوۆ وتكىزگەن جيىندا باعدارلاما قاراپايىم تۇرعىنداردىڭ قوعامدىق بەلسەندىلىگىن, كاسىپكەرلەردىڭ الەۋمەتتىك جاۋاپكەرشىلىگىن ارتتىرۋعا وڭ ىقپال ەتكەنى ايتىلدى.
«تازا قازاقستان» باعدارلاماسى وبلىس تۇرعىندارىنىڭ كەڭ قولداۋىنا, جالپىۇلتتىق سيپاتقا يە بولدى. مەملەكەت باسشىسى قاسىم-جومارت توقاەۆ ۇلتتىق قۇرىلتايدا «تازا قازاقستان» اكتسياسىنىڭ ءاربىر ازامات پەن بارشا حالقىمىزدىڭ كۇندەلىكتى ءومىر سالتىنا اينالۋعا ءتيىس ەكەنىن ايتقان بولاتىن. ءوڭىر تۇرعىندارى بۇگىندە وسى ۇدەدەن شىعا ءبىلدى», دەدى اكىم.
ايماق باسشىسىنىڭ ايتۋىنشا, ەلدى مەكەندەردى اباتتاندىرۋ جۇمىستارى بيىل دا جالعاسادى. 2025 جىلعا ارنالعان جوسپارعا سايكەس, وڭىردە 165 مىڭ كوشەت وتىرعىزىلادى, 1 200 كوشەگە 15 مىڭنان استام شام ورناتىلادى. سونىمەن قاتار 135 بالالار جانە سپورت الاڭى سالىنادى, 75 الەۋمەتتىك نىسان ىسكە قوسىلادى. بيىل وبلىستا ءبىر عانا ساياباقتاردى اباتتاندىرۋدىڭ وزىنە 5,5 ملرد تەڭگە ءبولىنىپ وتىر.
قوستاناي وبلىسى