ۇكىمەت دەپۋتاتتاردىڭ قوسىمشا قۇن سالىعى بويىنشا تىركەۋ شەگىن ارتتىرۋ تۋرالى ۇسىنىسىن قابىلدادى. جاڭا سالىق كودەكسىنىڭ جوباسىندا قوسىمشا قۇن سالىعىنىڭ شەگى 40 ميلليون تەڭگەنى قۇرايدى. بۇل تۋرالى ءماجىلىستىڭ جالپى وتىرىسىندا پرەمەر-ءمينيستردىڭ ورىنباسارى – ۇلتتىق ەكونوميكا ءمينيسترى سەرىك جۇمانعارين مالىمدەدى, دەپ حابارلايدى Egemen.ءkz ماجىلىستىڭ ءباسپاسوز قىزمەتىنە سىلتەمە جاساپ.
«قوسىلعان قۇن سالىعى 16% بولادى, بۇل سالىق بويىنشا شەك 40 ملن تەڭگە مولشەرىندە بەلگىلەنەدى. الەۋمەتتىك ماڭىزى بار ازىق-ت ۇلىك, كىتاپ باسىپ شىعارۋ, ارحەولوگيا – قوسىلعان قۇن سالىعىن تولەۋدەن بوساتىلادى. سونىمەن قاتار, الەۋمەتتىك سالادا, دەنساۋلىق ساقتاۋ سالاسىندا ۇكىمەت سالىقتان بوساتىلعان ءدارى-دارمەكتەردىڭ الەۋمەتتىك ءتىزىمىن ايقىندايتىن بولادى. قۇن سالىعى تەك اقىلى مەديتسينالىق قىزمەتتەرگە سالىنادى, مولشەرلەمەسى 10% بولادى», دەدى سەرىك جۇمانعارين.
ءمينيستردىڭ حابارلاۋىنشا, الەۋمەتتىك سالاداعى كورپوراتيۆتى تابىس سالىعى كەزەڭ-كەزەڭىمەن وسەدى – 2026 جىلدان باستاپ 5%-عا جانە 2027 جىلدان باستاپ 10%-عا.
«ارناۋلى سالىق رەجيمىندە تىيىم سالىناتىن ەمەس, رۇقسات ەتىلمەيتىن ءتىزىم ەنگىزىلەدى. تىيىم سالىنباعاننىڭ بارلىعىنا رۇقسات بەرىلەدى. اۋىل شارۋاشىلىعى تاۋارىن وندىرۋشىلەر ءۇشىن «مينۋس 70%» جەڭىلدىك ستاۆكاسى كۇشىندە قالادى. وڭدەۋ ونەركاسىبى ءۇشىن كورپوراتيۆتى تابىس سالىعى مولشەرلەمەسى 20% كۇيىندە قالادى. بانك وپەراتسيالارى بويىنشا دا قوسىمشا قۇن سالىعى الىناتىن بولادى. باسەكەلەستىكتى قورعاۋ اگەنتتىگى ۇكىمەتپەن بىرلەسىپ, باعانىڭ وسۋىنە جول بەرمەۋ ءۇشىن قولدانىستاعى تاريفتەردىڭ نەگىزدىلىگىنە تالداۋ جۇرگىزەدى», دەدى مينيستر.