كۋبا استاناسى گاۆانادا ەلەكتر جارىعىنىڭ وشۋىنە بايلانىستى جاپپاي نارازىلىق شەرۋلەرى ءوتتى. جاعدايعا اقش-تىڭ كۋباعا قارسى ەنگىزگەن بلوكاداسى اسەر ەتكەن, دەپ حابارلايدى Egemen.kz.
قالانىڭ بىرنەشە اۋدانىندا تۇرعىندار كوشەگە شىعىپ, ەلەكتر ەنەرگياسىن قالپىنا كەلتىرۋدى جانە ازىق-ت ۇلىكپەن قامتاماسىز ەتۋدى تالاپ ەتتى. نارازىلىق اكتسيالارى كۋبا استاناسىنىڭ ءارتۇرلى بولىكتەرىندە تىركەلگەن بۇرىنعى شەرۋلەرمەن ۇلاستى. سان-ميگەل-دەل-پادرون مۋنيتسيپاليتەتىندە حالىق ۇكىمەت عيماراتى الدىنا جينالىپ, ەلەكتر جارىعى مەن ازىق-ت ۇلىكتى تالاپ ەتىپ ۇرانداتقان.
شەرۋلەر سوڭعى جىلدارداعى ەڭ اۋىر ەنەرگەتيكالىق داعدارىستاردىڭ سالدارىنان تۋىنداعان. ەلدەگى ەلەكتر ەنەرگياسىنىڭ تاپشىلىعى كەشكى ۋاقىتتا شامامەن 2000 مەگاۆاتتقا جەتكەن. تۇرعىنداردىڭ ايتۋىنشا, اپتاپ ىستىق پەن ۇزاققا سوزىلعان جارىق ءوشۋى سالدارىنان ازىق-ت ۇلىك بۇزىلىپ, ءومىر ءسۇرۋ جاعدايى قيىنداعان.
جاعدايعا اقش-تىڭ كۋباعا قارسى ەنگىزگەن بلوكاداسى اسەر ەتىپ وتىر. بۇل شەكتەۋلەر جانارماي جەتكىزۋگە كەدەرگى كەلتىرگەن. بيلىك مالىمەتىنشە, 2025 جىلدىڭ جەلتوقسانىنان 2026 جىلدىڭ ناۋرىزىنا دەيىن كۋبا مۇناي جەتكىزىلىمدەرىن مۇلدە الماعان.
«بىزدە قازىر مۇلدە مازۋت تا, ديزەل وتىنى دا جوق. قولىمىزدا بارى – ءوز كەن ورىندارىمىزدان وندىرىلەتىن ىلەسپە گاز بەن ۇلتتىق مۇناي عانا. ونىڭ ءوندىرىسى دە ارتىپ كەلەدى», دەدى كۋبانىڭ ەنەرگەتيكا جانە تاۋ-كەن ونەركاسىبى ءمينيسترى ۆيسەنتە دە لا و لەۆي.
كۋباداعى داعدارىس: 3 اي بويى مۇنايسىز قالعان ەلدە ەلەكتر ەنەرگياسى تولىعىمەن ءوشتى
ونىڭ ايتۋىنشا, قازىر ەنەرگيا جۇيەسى تەك ۇلتتىق مۇناي, تابيعي گاز جانە جاڭارتىلاتىن ەنەرگيا كوزدەرى ەسەبىنەن جۇمىس ىستەپ تۇر.
سوڭعى ەكى جىلدا كۋبادا شامامەن 1300 مەگاۆاتت كۇن ەنەرگياسى قۋاتى ىسكە قوسىلعانىمەن, جانارماي تاپشىلىعىنا بايلانىستى ەلەكتر جەلىلەرىنىڭ تۇراقسىزدىعى بۇل الەۋەتتى تولىق پايدالانۋعا مۇمكىندىك بەرمەي وتىر.
بۇعان دەيىن بۇۇ اقش شەكتەۋلەرىن زاڭسىز دەپ اتاپ, ولاردىڭ ازىق-ت ۇلىك, دەنساۋلىق ساقتاۋ جانە باسقا دا قىزمەتتەرگە قول جەتكىزۋ قۇقىعىن بۇزاتىنىن مالىمدەگەن.
ايتا كەتەيىك, بۇعان دەيىن كۋبا پرەزيدەنتى ميگەل دياس-كانەل X الەۋمەتتىك جەلىسىندەگى پاراقشاسىندا ترامپپەن سوعىسۋعا دايىن ەكەنىن جەتكىزگەن بولاتىن.