«ورال قالاسىنىڭ جۇمىسپەن قامتۋ جانە الەۋمەتتىك باعدارلامالار ءبولىمىنىڭ ومىرلىك قيىن جاعدايعا قالعان ادامداردى قايتا الەۋمەتتەندىرۋگە ارنالعان ورتالىعى» كمم-ءنىڭ ديرەكتورىنا قاتىستى سوتقا دەيىنگى تەرگەۋ اياقتالدى دەپ حابارلايدى Egemen.kz.
بۇل جونىندە سىبايلاس جەمقورلىققا قارسى ءىس-قيمىل اگەنتتىگى حابارلادى. اگەنتتىكتىڭ باتىس قازاقستان وبلىسىنداعى قىزمەتى جاقىندا «ورال قالاسىنىڭ جۇمىسپەن قامتۋ جانە الەۋمەتتىك باعدارلامالار ءبولىمىنىڭ ومىرلىك قيىن جاعدايعا قالعان ادامداردى قايتا الەۋمەتتەندىرۋگە ارنالعان ورتالىعى» كمم-ءنىڭ ديرەكتورىنا قاتىستى سوتقا دەيىنگى تەرگەۋدى اياقتاعان.
ول ەلەكتر جابدىقتارىن كەزەكتى جوندەۋ جۇمىسى بويىنشا جالعان اكتىلەرگە قول قويىپ, ەڭبەك قىزمەتىن ءىس جۇزىندە ورىنداماعان ادامدارعا جالاقى ەسەپتەۋ ارقىلى 2024 جىلعى اقپان مەن جەلتوقسان ارالىعىندا جالپى سوماسى 11,5 ملن تەڭگە بيۋدجەت قاراجاتىن جىمقىردى دەپ ايىپتالىپ وتىر.
قازىر ايىپتالۋشى سوتقا تارتىلعان.