بۇگىن استاناداعى ۇلتتىق شۇعىل مەديتسينانى ۇيلەستىرۋ ورتالىعىنىڭ ء(ۇشمۇو) بازاسىندا تۇركى مەملەكەتتەرى ۇيىمىنا (تمۇ) مۇشە ەلدەردىڭ اراسىندا شۇعىل مەديتسينالىق كومەك كورسەتۋ سالاسىنداعى ىنتىماقتاستىق تۋرالى مەموراندۋمعا قول قويىلدى. ءىس-شاراعا تمۇ ەلدەرىنىڭ دەنساۋلىق ساقتاۋ مينيسترلەرى قاتىستى, دەپ جازادى Egemen.kz.
ء«بىزدىڭ سانيتاريالىق اۆياتسيا پاتسيەنتتەردى ەل ىشىندە جانە شەتەلدە ەمدەلۋ ورنىنا جەتكىزۋ ءۇشىن جىلىنا 2 مىڭنان استام اۋە تاسىمالىن جاسايدى. 15 ءوڭىر تىكۇشاقپەن قامتاماسىز ەتىلدى, جىل سوڭىنا دەيىن تاعى ەكى تىكۇشاق جەتكىزىلەدى. ساناۆياتسيامىزدىڭ كوپ ەلدەردەن ايىرماشىلىعى – مۇلدە تەگىن جانە شالعاي اۋدانداردىڭ تۇرعىندارى ءۇشىن قولجەتىمدى, مەملەكەت ەسەبىنەن بولادى, ءاربىر ۇشۋدىڭ ارتىندا ازاماتتارىمىزدىڭ ءومىرىن ساقتاپ قالۋ تۇر», دەدى دەنساۋلىق ساقتاۋ ءمينيسترى اقمارال ءالنازاروۆا قۇجاتقا قول قويعاننان كەيىن.
قازاقستاندا العاش رەت شۇعىل مەديتسينا ورتالىعى توتەنشە جاعدايلار, پاندەميا, تەحنوگەندىك اپاتتار جاعدايىندا ءوزارا ءىس-قيمىل جاساۋ جانە ۋاقتىلى مەديتسينالىق كومەك كورسەتۋ ءۇشىن بىرىڭعاي بازالىق الاڭعا اينالادى.
ء«بىز وزبەك ارىپتەستەرىمىزبەن سيمۋلياتسيالىق ورتالىقتىڭ بازاسىندا ماستەر-كلاستار وتكىزۋگە كەلىستىك, وندا ءبىز جەدەل جاردەم دارىگەرلەرىن الەمدىك ستاندارتتار بويىنشا مەديتسينالىق كومەك كورسەتۋ داعدىلارىنا ۇيرەتەمىز. ءبىزدىڭ ورتالىقتىڭ جانىنان ينسۋلت بولعان جاعدايدا ناۋقاستارعا شۇعىل كومەك كورسەتۋ جونىندەگى قىزمەتتى ۇيلەستىرەتىن رەسپۋبليكالىق ينسۋلت ورتالىعى جۇمىس ىستەيدى. اكۋشەرلىك, توكسيكولوگيا جانە باسقا دا باعىتتار بويىنشا شۇعىل ورتالىقتار اشۋ جوسپاردا بار», دەدى ءۇشمۇو باسشىسى ەرجان ادىلبەكوۆ.
دەنساۋلىق ساقتاۋ مينيسترلىگىنىڭ ءباسپاسوز قىزمەتىنىڭ مالىمدەۋىنشە, ءۇشمۇو – مەديتسينالىق اۆياتسيا, جەدەل جاردەم قىزمەتتەرى مەن قابىلداۋ بولىمشەلەرىنىڭ جۇمىسىن ۇيلەستىرەتىن وزىق كوپفۋنكتسيونالدى ورتالىق. كەشەندە 250 ورىندىق ستاتسيونار بار, وعان 9 كلينيكالىق ورتالىق كىرەدى: جالپى حيرۋرگيا (ونىڭ ىشىندە سەپتيكالىق), اكۋشەرلىك, پوليتراۆما, تەراپيا, كارديوتوراكالدىق حيرۋرگيا جانە كارديولوگيا, امبۋلاتوريالىق حيرۋرگيامەن ۋرولوگيا, جالپى حيرۋرگيا, گينەكولوگيا جانە نەيروحيرۋرگيا دەپارتامەنتتەرى, سونداي-اق لور بولىمشەسى جانە 29 مەديتسينالىق بەيىندى قامتيتىن وفتالمولوگيا بولىمشەسى. ءۇشمۇو زاماناۋي مەديتسينالىق جابدىقتارمەن (كت 256 كەسكىن, مرت-3 تەسلا, انگيو, رەنتگەن جانە ۋلترادىبىستىق اپپاراتتار) جانە 12 وپەراتسيالىق زالمەن جابدىقتالعان. سونداي-اق, اۋرۋحانادا KINEVO 900 روبوتتى حيرۋرگيالىق بەينەلەۋ جۇيەسى بار, ول جوعارى دالدىك پەن بەينەلەۋ وپەراتسيالارىنا مۇمكىندىك بەرەدى.