بۇگىن استانادا ەل تاريحىندا العاش رەت IBF جانە WBO تۇجىرىمى بويىنشا ورتا سالماقتاعى الەم چەمپيونى جانىبەك ءالىمحان ۇلى (16-0, 11 كو) ءوز بەلبەۋىن فرانتسيادان كەلگەن ۇمىتكەر اناۋەل نگاميسسينگەگە (14-0, 9 كو) قارسى قورعايدى. تاريحي كەشتە جانىبەكتەن بولەك , 7 وتانداسىمىز شارشى الاڭعا شىعادى, دەپ جازادى Egemen.kz.
اۋقىمدى بوكس كەشىندە شىمكەنتتىك تورەحان سابىرحان العاش رەت كاسىپقوي بوكستا باق سىنادى.
جارتىلاي ورتا سالماقتاعى جەكپە-جەكتە وتانداسىمىزدىڭ قارسىلاسى چەحيالىق يرجي حاۋكە (4-6, 2 كو) بولدى.
تورەحان كەزدەسۋدىڭ العاشقى مينۋتتارىنان- اق بەلسەندى سوققى جاساۋعا كىرىستى.
كەزدەسۋدىڭ 3-راۋندىندا وتانداسىمىز قارسىلاسىن 2 رەت نوكداۋنعا جىبەرىپ, سوڭعىسىندا چەحيالىق ورنىنان تۇرا الماي, جەڭىس تورەحان سابىرحاننىڭ ەنشىسىنە جازىلدى.
جەكپە-جەكتەن كەيىن ت. سابىرحان ءوزىنىڭ جاسى نەبارى 19-دا ەكەنىن ەسكە سالىپ, قازاق بوكسىنىڭ تاريحىندا تالاي ايتۋلى جەڭىستەردى تىركەيتىنىن تىلگە تيەك ەتتى.
سونداي-اق, قولداۋ بىلدىرگەن جۇرتشىلىققا العىس ءبىلدىردى.
ايتا كەتەيىك, بۇگىن بارىس ارەنا شارشى الاڭىنا تورەحان سابىرحاننىڭ اعاسى, پاريج وليمپياداسىنىڭ قاتىسۋشىسى ماحمۇد سابىرحان دا شىعادى. بۇل باسەكە ماحمۇدتىڭ دا كاسىبي بوكستاعى دەبيۋتى بولماق.