ەلىمىزدە جۇرگىزۋشى كۋالىگىنە ەمتيحان تاپسىرۋ پروتسەسى جاڭا تەحنولوگيالارمەن جاڭارتىلماق. قازىرگى ۋاقىتتا قوسىمشا ناقتىلىق (AR) جانە كومپيۋتەرلىك كورۋ جۇيەلەرى ەنگىزىلۋى جوسپارلانعان. بۇل جاڭاشىلدىقتار ەمتيحان تاپسىرۋ كەزىندە باقىلاۋدى نىعايتىپ, ۇدەرىستى اۆتوماتتاندىرۋعا مۇمكىندىك بەرەدى, دەپ حابارلايدى Egemen.kz.
بۇدان باسقا, ەۋروپا ەلدەرىنىڭ تابىستى تاجىريبەسى نەگىزىندە ەمتيحانداردى قابىلداۋ ءتارتىبى, سونداي-اق كولىك قۇرالدارىن تىركەۋ ءراسىمى قايتا قارالاتىن بولادى.
«وتكەن جىلى كولىك قۇرالدارىن تىركەۋ سالاسىندا 3 ملن قىزمەت كورسەتىلدى. ساتىپ الۋ-ساتۋ شارتتارىنا ەلەكتروندىق قول قويۋ, مەملەكەتتىك تىركەۋ بەلگىلەرىن جەدەل دايىنداۋ, اۆتوساقتاندىرۋ سياقتى ءىس-شارالار جۇرگىزىلدى. ءبىز قۇجاتتاردى راسىمدەۋ جونىندەگى مەملەكەتتىك كورپوراتسيانىڭ پلاتفورماسىن ىسكە قوسۋدى, بيومەتريالىق سايكەستەندىرۋ جانە اۆتوكولىك تاريحىن تەكسەرۋ سەرۆيستەرىن ىسكە اسىرۋدى جوسپارلاپ وتىرمىز», دەدى «ازاماتتارعا ارنالعان ۇكىمەت» كەاق باسقارما توراعاسى ارمان كەنجەعاليەۆ.