باتىس قازاقستان وبلىسى پوليتسيا دەپارتامەنتىنىڭ كريمينالدىق پوليتسيا قىزمەتكەرلەرى ورالدا جوعالىپ كەتكەن ەكى ءجاسوسپىرىمدى امان-ەسەن تاپتى, دەپ جازادى Egemen.kz اقپارات اگەنتتىگى.
بقو پوليتسيا دەپارتامەنتىنىڭ ءباسپاسوز قىزمەتىنەن ءمالىم ەتكەنىندەي, ارتەم سارمانوۆ 24 اقپاندا كامەلەتكە تولماعانداردى بەيىمدەۋ ورتالىعىنان مەكتەپكە كەتكەننەن ورالماعان.
پوليتسيا قىزمەتكەرلەرىنىڭ ىزدەستىرۋ ءىس-شارالارى ناتيجەسىندە ءجاسوسپىرىم ورالدان تابىلدى.
ءوزىنىڭ ايتۋىنشا, ول وسى ۋاقىت بويى دوستارىندا بولعان.
ەكىنشى ءجاسوسپىرىم زارينا نيعمەتوۆا ۇيىنەن 16 ناۋرىزدا شىعىپ كەتكەن. پوليتسيا قىزمەتكەرلەرى ونىڭ جۇرگەن جەرىن انىقتاپ, اقتوبە قالاسىنان تاپتى.
- اتالعان جاسوسپىرىمدەر بۇعان دەيىن دە بىرنەشە رەت ۇيىنەن كەتكەن. پوليتسيا قىزمەتكەرلەرى ولاردى تاۋىپ, قايتارىپ وتىرعان. قازىرگى ۋاقىتتا ەكەۋىنىڭ جاعدايى جاقسى, زاڭدى وكىلدەرىنە تاپسىرىلاتىن بولادى, - دەپ حابارلادى ۆەدومستۆودان.