ۇلىتاۋ وبلىسىندا تۇرعىن ءۇي قۇرىلىسى قارقىندى جۇرگىزىلىپ, ايماقتىڭ ينفراقۇرىلىمىن دامىتۋعا ەرەكشە نازار اۋدارىلىپ جاتىر. وبلىس كولەمىندە جالپى 22 تۇرعىن ءۇيدىڭ قۇرىلىسى ءجۇرىپ جاتىر, ونىڭ ىشىندە 5 جالعا بەرىلەتىن, 7 كرەديتتىك جانە 10 كوممەرتسيالىق ءۇي بار. وسى ۇيلەردىڭ 16-سى بيىل (2 جالعا الۋ, 6 كرەديتتىك جانە 8 كوممەرتسيالىق) پايدالانۋعا بەرىلمەك, دەپ حابارلايدى Egemen.kz.
جايرەمدە بيىل پايدالانۋعا بەرىلەتىن ءبىر كوممەرتسيالىق ءۇي سالىنىپ جاتىر. سونداي-اق, حالىقتىڭ الەۋمەتتىك وسال توپتارى مەن كوپبالالى وتباسىلار ءۇشىن وتكەن جىلى 80 پاتەر بەرىلسە, بيىل ناۋرىز مەرەكەسى قارساڭىندا رەسپۋبليكالىق بيۋدجەت ەسەبىنەن تاعى 40 پاتەر بەرىلدى. بۇل تۋرالى ۇلىتاۋ وبلىسىنىڭ اكىمى داستان رىسپەكوۆ قاراجال قالاسىنىڭ تۇرعىندارىمەن كەزدەسۋ بارىسىندا مالىمدەدى.
بيىل رەسپۋبليكالىق بيۋدجەت ەسەبىنەن قاراجال قالاسىندا قوسىمشا 10 پاتەر ساتىپ الۋ جوسپارلانعان. سونىمەن قاتار, 96 پاتەردى ساتىپ الۋ ءۇشىن 1,4 ملرد تەڭگەگە ءوتىنىم بەرۋ مۇمكىندىگى قاراستىرىلىپ وتىر. ال 2026-2028 جىلدارى قاراجالدا 100-دەن استام ءبىر قاباتتى ەكى پاتەرلى ۇيلەر سالۋ جوسپارلانعان. بۇل جوبا حالىقتىڭ الەۋمەتتىك وسال توپتارىنان 200-گە جۋىق وتباسىن باسپانامەن قامتاماسىز ەتۋگە مۇمكىندىك بەرەدى.
قاراجال قالاسىنداعى تاۋەلسىزدىك كوشەسى, 12-ۇيدە تۇرعىندار ءۇشىن قايتا جاڭارتۋ جۇمىستارى جۇرگىزىلۋدە. بۇدان بولەك, جەرگىلىكتى بيۋدجەت ەسەبىنەن جالپى قۇنى 2,8 ملرد تەڭگەنى قۇرايتىن 6 ينجەنەرلىك-كوممۋنيكاتسيالىق ينفراقۇرىلىم جوباسى ىسكە اسىرىلا باستادى. بۇل جوبا 25 كوپقاباتتى ءۇيدى (719 پاتەر) جانە 373 جەكە تۇرعىن ءۇيدى ينجەنەرلىك جەلىلەرمەن قامتاماسىز ەتۋگە باعىتتالعان.
قاراجالداعى جەكە تۇرعىن ۇيلەرگە (89 ۋچاسكە) ينجەنەرلىك-كوممۋنيكاتسيالىق ينفراقۇرىلىم جۇرگىزۋ ءۇشىن وبلىستىق بيۋدجەتتەن 55 ملن تەڭگە ءبولىندى. جالپى تۇرعىن ءۇي قۇرىلىسىنا 3,8 ملرد تەڭگە قاراستىرىلىپ, ونىڭ ىشىندە قاراجال قالاسىنا 200 ملن تەڭگە ءبولىندى.
سونىمەن قاتار, قاراجال مەن جايرەمدە اۆتوموبيل كولىگىنە ارنالعان اۆتوتۇراق قۇرىلىسى ءجۇرىپ جاتىر. بۇل جوبانى اياقتاۋ ءۇشىن وبلىستىق بيۋدجەتتەن 512 ملن تەڭگە قاراستىرىلعان. جايرەمدەگى اۆتوتۇراق قۇرىلىسىن اياقتاۋ ماقساتىندا توتەنشە جاعدايلار مينيسترلىگىنە قوسىمشا قاراجات بولۋگە ءوتىنىم بەرىلدى. بۇل شارالار ەلدى مەكەندەردىڭ ءورت قاۋىپسىزدىگىن قامتاماسىز ەتۋگە سەپتىگىن تيگىزبەك.