قازاق حالقىنىڭ تاريحى مەن مادەنيەتىنىڭ تەرەڭ تامىرلارىندا جاتقان ءتىل ماسەلەسى – ۇلتتىڭ بولاشاعىن ايقىندايتىن ماڭىزدى فاكتورلاردىڭ ءبىرى. ءتىل – تەك قارىم-قاتىناس قۇرالى عانا ەمەس, ول ۇلتتىڭ رۋحى, مادەنيەتى, ءداستۇرى مەن تاريحىنىڭ ساقتاۋشىسى.
ء«تىل - ەلدىكتىڭ تۋى!» دەگەن سوزدە تەرەڭ ءمان جاتىر. ءتىل ارقىلى ءبىز ءوزىمىزدى تانيمىز, ءبىر-بىرىمىزبەن بايلانىسىمىزدى نىعايتامىز, ۇلت رەتىندە ءوزىمىزدىڭ دەربەس ەكەنىمىزدى دالەلدەيمىز.
ءتىل – حالىقتىڭ جادىندا, جۇرەگىندە ساقتالاتىن, ۇرپاقتان-ۇرپاققا بەرىلەتىن اسىل مۇرا. قازاق ءتىلى – ءبىزدىڭ ۇلتتىق كودىمىز, مادەنيەتىمىزدىڭ نەگىزى. ول ارقىلى ءبىز اتا-بابا داستۇرلەرىمىزدى, ۇلتتىق قۇندىلىقتارىمىزدى, ونەرىمىز بەن ادەبيەتىمىزدى ۇرپاقتارعا جەتكىزەمىز. قازاق ءتىلىنىڭ مارتەبەسىن كوتەرۋ, ونى دامىتۋ – ءاربىر ازاماتتىڭ پارىزى.
بۇگىندە ەلىمىزدە ءتىل ساياساتىنا ەرەكشە كوڭىل بولىنۋدە. مەملەكەتتىك ءتىلدىڭ قولدانىس اياسىن كەڭەيتۋ, جاستاردى قازاق تىلىندە وقىتۋ, مەملەكەتتىك مەكەمەلەردە قازاق ءتىلىن مەڭگەرۋ – بۇل باعىتتاعى ماڭىزدى قادامدار. «قازاقستان-2050» ستراتەگياسىندا دا ءتىل ماسەلەسى ايرىقشا ورىن الادى. ءتىل ارقىلى ءبىز ەلىمىزدىڭ بىرلىگىن, تۇتاستىعىن, مادەنيەتىن نىعايتا الامىز.
الايدا, ءتىل ماسەلەسىندە ءالى دە شەشىلمەگەن پروبلەمالار بار. كوپتەگەن جاستاردىڭ ورىس تىلىندە سويلەسۋى, قازاق ءتىلىنىڭ كەيبىر سالالاردا قولدانىلماۋى – بۇل ءبىزدىڭ ۇلتتىق بولمىسىمىزعا قاۋىپ توندىرەدى. سوندىقتان, ءبىز ءتىلدىڭ مارتەبەسىن كوتەرۋ ءۇشىن, ونى كۇندەلىكتى ومىرىمىزدە بەلسەندى قولدانۋىمىز كەرەك. ءتىل – ءبىزدىڭ بولاشاعىمىزدىڭ كىلتى, سوندىقتان ونى قادىرلەۋ, دامىتۋ – ءاربىر قازاقتىڭ مىندەتى.
ءتىل - ەلدىكتىڭ تۋى بولسا, وندا وسى تۋىمىزدى كوتەرۋ, قورعاۋ, دامىتۋ – ءبىزدىڭ ورتاق بورىشىمىز. قازاق ءتىلىنىڭ بولاشاعى – ءبىزدىڭ قولىمىزدا. ءاربىر ءسوز, ءاربىر سويلەم – بۇل ءبىزدىڭ ۇلتتىق سانامىزدىڭ ايناسى. سوندىقتان, تىلگە دەگەن سۇيىسپەنشىلىگىمىزدى, قۇرمەتىمىزدى ارتتىرا وتىرىپ, ەلدىگىمىزدى نىعايتۋىمىز قاجەت.
ەندەشە, ءتىل – ەلدىكتىڭ تۋى! بۇل تۋىمىزدى بيىك ۇستاۋ, ءتىلدىڭ قۇدىرەتىن ءتۇسىنۋ – ءبىزدىڭ جاۋاپكەرشىلىگىمىز. ءتىل ارقىلى ءبىز بىرلىگىمىزدى, تاتۋلىعىمىزدى, مادەنيەتىمىزدى ساقتاپ, ۇرپاقتارىمىزعا جەتكىزەتىن بولامىز. ءتىل – ءبىزدىڭ ۇلتتىق ماقتانىشىمىز, سوندىقتان ونى قورعاپ, دامىتۋ – ءبىزدىڭ باستى مىندەتىمىز!
رينات نۇراقباەۆ, جامبىل وبلىسى اكىمدىگىنىڭ مادەنيەت جانە تىلدەردى دامىتۋ باسقارماسىنىڭ «تىلدەردى وقىتۋ ورتالىعى» كمقك اقپاراتتىق جانە ۇيىمداستىرۋ ءبولىمىنىڭ باسشىسى