قۋىرشاق ترۋپپاسىنىڭ بەل-بەلەسى

مۇندا دراما جانە قۋىرشاق ترۋپپاسى بار. بيىل قۋىر­شاق ترۋپپاسىنىڭ قۇرىل­عانىنا 40 جىل تولادى. 1985 جىلى 9 مامىردا قۋىرشاق تەاترى بولىپ اشىلعان. بۇگىنگى تاڭدا تەاتر شەتەلدىك مامانداردى شاقىرىپ, ىرگەلى باستامانى قولعا الىپ جاتىر. 40 جىلدىققا بايلانىستى مەكتەپ وقۋشىلارى اراسىندا «قۋىرشاق الەمى – بالالار كوزىمەن» اتتى وبلىستىق سۋرەت بايقاۋىن جاريالاعالى وتىر. جاقىندا بارلىق مەكتەپتەرگە وسى بايقاۋدىڭ ەرەجەسىن جولدايدى.

وتكەن جىل ونەر ۇجىمى ءۇشىن 200-دەن اسا كورسەتىلىم ۇيىمداستىرعان تابىستى جىل بولدى. جاڭا التى سپەكتاكل كورسەتىلدى. ونىڭ ىشىندە ءساتتى سپەكتاكلدىڭ ءبىرى راقىمجان وتارباەۆتىڭ «سۇلتان بەيبارىس», مەكتەپ وقۋشىلارى اراسىندا ۇلكەن قىزىعۋشىلىق تۋدىرعان گەورگ بيۋحنەردىڭ «ۆويتسەك» سپەكتاكلى. قويىلىمنىڭ رەجيسسەرى – اقتوبەلىك مەيرام حابيبۋللين. بۇل سپەكتاكل 2024 جىلى فەستيۆالعا قاتىسىپ, جاق­سى باعالاندى. قازاقستان تەاترلار قاي­راتكەرلەرى وداعىنىڭ قورىتىندىسى بويىنشا «ۆويتسەك» سپەكتاكلىنىڭ رەجيسسەرى مەيرام حابيبۋللين «جىل­دىڭ ۇزدىك رەجيسسەرى» اتاندى. قازاقستان تەاترلارى اسسوتسياتسياسى قورىتىندىسى بويىنشا وسى قويىلىمدا باستى ءرولدى سومداعان نۇرجان بەيىسبەك «جىلدىڭ ۇزدىك اكتەرى» اتالىمىنىڭ جەڭىمپازى اتاندى.

وتكەن جىلى تەاترعا بەلورۋستىق ماماندار كەلىپ جۇمىس ىستەدى. گارسيا ماركەستىڭ ء«جۇز جىلدىق جالعىزدىق» رومانى بويىنشا «ماكوندو» قو­يىلىمىن ۇسىندى. «ماكوندو» سپەكتاكلى وسى ءساۋىر ايىندا قىزىلوردا قالاسىندا وتەتىن حالىقارالىق فەستيۆالدا باق سىنايدى.

«تەاترىمىز سىنشىلار بىرلەستىگىمەن تىعىز قارىم-قاتىناستا. جاڭا قويىلىم دايىنداۋ كەزىندە الماتى, استانا قالا­سىنان كاسىبي تەاتر سىنشىلارىن شاقىرامىز. ولار ءبىزدىڭ تەاترعا تالداۋ جۇمىسىن جۇرگىزەدى. وتكەن جىلى وبلىس بويىنشا قامتىعان كورەرمەندەر سانى – 42500 ادام بولسا, سونىڭ 8000-عا جۋىعى جاستار ەكەن. دەمەك, جاس ۇرپاقتىڭ تەاترعا دەگەن قىزىعۋشىلىعى ارتىپ كەلەدى» دەيدى سەركە قوجامقۇلوۆ اتىن­داعى ۇلىتاۋ وبلىسى قازاق مۋزى­كالىق تەاترىنىڭ ديرەكتورى ساكەن دوسحان.

اۋىز تولتىرىپ ايتاتىن جاڭالىق, تەاتر 2025 جىلعا شەتەلدە ونەر كورسەتۋگە شاقىرتۋ الىپ وتىر. بۇگىنگى تاڭدا ونەر ۇجىمى شەتەلدىك ساپاردى ۇيىمداستىرۋ ماسەلەلەرىن قولعا الدى.

ۇلىتاۋ وبلىسى