القالى انالاردىڭ ونەر سايىسى

جارىستا «التىن القا», «كۇمىس القا» يە­گەرلەرى بىرنەشە كەزەڭ بويىنشا سىنعا ءتۇستى. العاشقى كەزەڭدە قاتىسۋشىلار وزدەرىن تانىستىردى. ەكىنشى كەزەڭ «اقىلداسىپ پىشكەن تون كەلتە بولماس» دەپ اتالىپ, وتباسىعا قاتىستى قويىلعان لوگيكالىق سۇراقتارعا جاۋاپ بەردى. «ۇزدىك ءۇردىس» اتتى ءۇشىنشى كەزەڭدە ىقىلىم زاماننان بەرى ۇرپاقتان ۇرپاققا جالعاسىپ كەلە جاتقان قازاق ايەلدەرىنىڭ كيىم كيۋ ۇلگىسى كورسەتىلدى. سوڭعى كەزەڭدە ونەرلەرىن ورتاعا سالدى.

قازىلار القاسىنىڭ شەشى­مىمەن جۇبان انا اتىنداعى سىيلىقتى ساتباەۆ قالاسىنىڭ تۇر­عىنى, سەگىز بالانىڭ اناسى ايجان ءشارىپوۆا, «داڭقتى انا» اتالىمىنداعى سىيلىقتى ساتباەۆ قالاسىنىڭ جەكە كاسىپكەرى, جەتى بالانىڭ اناسى ايگەرىم توقتاسىنوۆا, «الپەش انا» اتالىمىن جەزقازعان قالاسىنداعى №4 مەكتەپتىڭ مۇعالىمى, سەگىز بالانىڭ اناسى اقجارقىن توقىشەۆا, ء«بيداش انا» اتالىمىن «قازاقمىس» كورپوراتسياسى قارساقباي مەتاللۋرگيا زاۋىتىنىڭ لابورانتى, جەزدى, ۇلىتاۋ اۋداندىق كەڭەستەرىنىڭ دەپۋتاتى بولعان قايراتكەر ايەل, سەگىز بالانىڭ اناسى, 13 نەمەرەنىڭ اجەسى ساندۋعاش دۇتباەۆا ولجالادى.

«القالى ارۋ-2025» باي­قاۋىندا ءىىى ورىن العان «ال­تىن القا» يەگەرى, قاراجال قا­لاسىنداعى انالار كەڭەسىنىڭ مۇشەسى, نەمەرە سۇيگەن ارداقتى اجە اقتوتى ادىلبەكوۆاعا 150 مىڭ تەڭگە, ءىى ورىن يەگەرى ساتباەۆ قالاسىنداعى اباي اتىنداعى ليتسەيدىڭ قازاق ءتىل-ادەبيەتى ءپانىنىڭ مۇعالىمى, جەتى بالانىڭ اناسى ايگۇل ابىشەۆاعا 250 مىڭ تەڭگە, ءى ورىن جۇلدەگەرى «كۇمىس القا» يەگەرى, ۇلىتاۋ اۋدا­نى, جەزدى كەنتى اۋرۋحاناسىنىڭ مەدبيكەسى گۇلجازيرا زەيىل­عازيناعا 300 مىڭ تەڭگە اقشالاي سىياقى تابىس ەتىلدى. «القالى ارۋ-2025» بايقاۋىنىڭ باس بايگەسى, 500 000 تەڭگە سىياقى التى بالا­نىڭ اناسى, جەكە كاسىپكەر, كينو, تەاتر ءارتىسى سامال سادىقوۆاعا بۇيىردى.

جارىسقا قاتىسۋشىلارعا «حالىق بانك» اق ۇلىتاۋ وبلىس­تىق فيليالى تەحنيكا دۇكەنىنەن زات الۋعا سەرتيفيكاتتار, اتالىم يەگەرلەرىنە «اتامەكەن» كاسىپكەرلىك پالا­تاسىنىڭ ۇلىتاۋ وبلىستىق في­ليالىنىڭ اتىنان ارنايى كۋرستار الۋ مۇمكىندىگىن بەرەتىن جولدامالار تابىس ەتىلدى.

ۇلىتاۋ وبلىسى