اتالعان قىزمەت اتىراۋ وبلىسىندا ىسكە قوسىلدى, دەپ جازادى Egemen.kz.
ىشكى ىستەر مينيسترلىگىنىڭ نۇسقاۋىنا سايكەس, تاسجولدارداعى جول-كولىك وقيعالارىنىڭ الدىن الۋ جانە اپاتتىلىق دەڭگەيىن تومەندەتۋ ماقساتىندا اتالعان وبلىس اۋماعىندا درونمەن باقىلاۋ قىزمەتى ىسكە قوسىلدى.
كولىكتەردىڭ قارسى باعىتقا شىعۋى, اۆاريالىق جاعداي تۋعىزۋ, مانەۆر جاساۋ ەرەجەلەرىن بۇزۋ, جۇرگىزۋشىلەردىڭ كولىك باسقارۋ كەزىندە ۇيالى تەلەفون قولدانۋى, قاۋىپسىزدىك بەلدىگىن تاقپاۋ سەكىلدى فاكتىلەردى انىقتاۋ جانە جولىن كەسۋ – درونمەن باقىلاۋ قىزمەتىنىڭ باستى ماقساتى.
شارا – تاس جولدارداعى بارلىق جول قوزعالىسىنا قاتىسۋشىلاردىڭ قاۋىپسىزدىگىن قامتاماسىز ەتۋگە باعىتتالعان.