تاراز قالاسىنىڭ تۇرعىنى تانىسىنىڭ اتىنا عيماراتتى جازىپ بەرۋ سىلتاۋىمەن 15 ملن تەڭگەسىن جىمقىرعان, دەپ جازادى Egemen.kz.
قولما-قول ساناپ بەرگەن قوماقتى قاراجاتتان كەيىن, كۇدىكتى ءتۇرلى سىلتاۋلار ايتىپ, جەتى اي بويى تانىسىن الداپ كەلگەن. الايدا ۋاقىت وتە كەلە عيماراتتىڭ مۇلدە باسقا ادامنىڭ اتىنا راسىمدەلىپ كەتكەنىن ەستىگەن جابىرلەنۋشى قۇقىق قورعاۋ ورگاندارىنا جۇگىنگەن. ءىستى تەرگەۋ ناتيجەسىندە الاياقتىڭ قىلمىسى دالەلدەنىپ, سوت ۇكىمىمەن ول التى جىلعا باس بوستاندىعىنان ايىرىلدى. ەندى ول جازاسىن قاۋىپسىزدىگى ارالاس مەكەمەدە وتەيدى. سونىمەن قاتار سوت شەشىمى بويىنشا جىمقىرىلعان 15 ميلليون تەڭگەنى, 3,5 ميلليون تەڭگە تۇراقسىزدىق ايىبىن جانە سوت شىعىندارىن وتەۋگە مىندەتتەلدى.