ىستانبۇلداعى حالىق قارسىلىعىنا بايلانىستى جەرگىلىكتى سوتتار 55 ادامدى قاماۋعا الۋ تۋرالى ۇكىم شىعاردى, دەپ حابارلايدى Egemen.kz.
Halk TV تەلەارناسى تاراتقان اقپاراتقا سۇيەنسەك, قاماۋعا الىنعانداردىڭ اراسىندا AFP ءتىلشىسى ياسين اكگيۋل, Now News ءفوتوتىلشىسى ءالي ونۋر توسۋن, ىستانبۇل اكىمدىگىنىڭ ءفوتوتىلشىسى كۋرتۋلۋش ارى جانە وزگە دە جۋرناليستەر بار.
«ۇيلەردى ءتىنتۋ بارىسىندا نارازىلىق شارالارىنا قاتىسقان 206 ادام ۇستالدى. ال پروكۋراتۋرا ولاردىڭ قامالۋىن تالاپ ەتتى. تەرگەۋ اياقتالعان سوڭ 55 ادام الەمدىك قىلمىستىق سوتتار ارقىلى قاماۋعا الىندى», دەلىنگەن اقپاراتتا.
ەسكە سالا كەتەيىك, 23 ناۋرىزدا ىستانبۇلدىڭ قىلمىستىق سوتى قالا اكىمى ەكرەم يماموگلۋنى قاماۋعا العان بولاتىن. وعان جەمقورلىق پەن تۇركيادا تىيىم سالىنعان كۇردىستان جۇمىسشى پارتياسىنا (كجپ) قولداۋ كورسەتتى دەگەن ايىپ تاعىلعان. قالا باسشىسى ۇستالعان سوڭ ورتالىق كوشەلەردە قاۋىپسىزدىك شارالارىنا قاراماستان جاپپاي نارازىلىق شارالارى باستالدى.