قورقىت اتا اتىنداعى قىزىلوردا ۋنيۆەرسيتەتىندە 1-كۋرس ستۋدەنتتەرىنىڭ «فەميدا – 2025» كاسىبي سايىسى ءوتتى. «قۇقىقتانۋ» جانە «اكىمشىلىك ادىلەت» ءبىلىم باعدارلامالارى بويىنشا بەس كوماندا اراسىندا وتكەن سايىس ەلىمىزدە زاڭ مەن ءتارتىپ يدەولوگياسىن تەرەڭدەتۋ باعىتىنا ارنالىپ وتىر.
بەس كەزەڭنەن تۇراتىن سايىسقا وبلىستىق سوتتىڭ اكىمشىلىك ىستەر جونىندەگى سوت القاسىنىڭ توراعاسى جانات وسپانوۆا, سىبايلاس جەمقورلىققا قارسى ءىس-قيمىل اگەنتتىگىنىڭ قىزىلوردا وبلىسى بويىنشا دەپارتامەنتى باسشىسىنىڭ ءبىرىنشى ورىنباسارى ايدوس ءجۇنىسوۆ, قورقىت اتا اتىنداعى قىزىلوردا ۋنيۆەرسيتەتى سىبايلاس جەمقورلىققا قارسى كومپلاەنس-وفيتسەرى الىبەك جاپپاسباەۆ قازىلىق ەتتى.
«سالەم – ءسوزدىڭ اناسى» دەپ اتالاتىن العاشقى بولىمنەن-اق ستۋدەنتتەردىڭ سايىسقا تىڭعىلىقتى دايىندالعانى بايقالدى. كەيبىر توپ وزدەرىن انمەن تانىستىرسا, تاعى ءبىرى قوعامداعى كەلەڭسىزسىزدىكتى كورسەتەتىن شاعىن قويىلىم قويدى. كوماندالار ونەرى 5 بالدىق جۇيە بويىنشا باعالاندى.
قوعامدا زاڭ مەن ءتارتىپ يدەولوگياسىن تەرەڭ ورنىقتىرۋ ماقساتىندا ۇيىمداستىرىلعان سايىسقا قازىلىق ەتكەندەر جاستاردىڭ جان-جاقتى ازىرلەنگەنىن ايتادى. «ستۋدەنتتەردىڭ وي-ءورىسىن كەڭەيتىپ, سالا مامانىنا قاجەتتى قاسيەتتەرگە باۋلۋدى كوزدەيتىن سايىستا جاستار بىلىمدەرىنىڭ تەرەڭدىگىن, شىعارماشىلىق ىزدەنىستەرىن كورسەتتى. وسىنداي كرەاتيۆتى جاستاردان بىلىكتى مامان شىعارىنا سەنىم مول», دەيدى وبلىستىق سوتتىڭ اكىمشىلىك ىستەر جونىندەگى سوت القاسىنىڭ توراعاسى جانات وسپانوۆا.
ال ۋنيۆەرسيتەتتەگى سىبايلاس جەمقورلىققا قارسى كومپلاەنس-وفيتسەرى الىبەك جاپپاسباەۆ بۇگىنگى ءىس-شارادا ءبىرىنشى كۋرس ستۋدەنتتەرى زاڭ مەن ءتارتىپ ادىلەتتىلىكتىڭ باستى شارتى ەكەنىن كورسەتە العانىن اتاپ ءوتتى.
سايىس قورىتىندىسى بويىنشا «يۋ-24-7» توبى ءى ورىن يەلەنسە, ودان كەيىنگى ورىنداردى «يۋ-24-1» جانە «يۋ-24-9» كوماندالارى الدى. ال سايىستىڭ باس جۇلدەسى «يۋ-24-3» توبىنا بۇيىردى.
ۇزدىك كوماندالارعا ارنايى ديپلومدار مەن العىس حاتتار تابىستالدى.
قىزىلوردا