جۇمىسشى مامانداردى تۇرعىن ۇيمەن قامتاماسىز ەتۋ ماقساتىندا ىسكە قوسىلعان «ناۋرىز جۇمىسكەر» باعدارلاماسى بويىنشا ءبىرىنشى بولىپ قوستانايداعى «سارىارقااۆتوپروم» سەرىكتەستىگىنىڭ ينجەنەر-كونسترۋكتورى دانيار اسانوۆ ءۇيلى بولدى, دەپ جازادى Egemen.kz.
بانككە وسىدان ەكى كۇن بۇرىن ءوتىنىش بەرگەن جاس مامان بۇگىن ەكى بولمەلى پاتەردىڭ قۇجاتىن قولىنا الدى. دانيار ءوز پاتەرىن جاڭا سالىنىپ جاتقان ءزاۋلىم ۇيلەردىڭ بىرىنەن تاڭداعان. بۇل ۇيدە قازىر ارلەۋ جۇمىستارى ءجۇرىپ جاتىر. پاتەردى باستان-اياق قۇرىلىس كومپانياسىنىڭ ءوزى ارلەپ, كىرۋگە دايىن ەتىپ بەرەدى.
«قۋانىشىمدى سوزبەن ايتىپ جەتكىزۋ مۇمكىن ەمەس. وسىعان دەيىن انام ەكەۋمىز پاتەر جالداپ تۇرىپ كەلدىك. ەندى باسىمدا ءۇيىم بار. اسىرەسە, انامنىڭ قۋانعانىن كورسەڭىز. بۇل – مەنىڭ جەكە ومىرىمدەگى ۇلكەن قادام, ۇمىتىلماس ساتتەردىڭ ءبىرى. ەندى كەلەشەكتىڭ قامىن جاساپ, وتباسىن قۇرۋ جاعىن ويلاستىرا بەرسەم بولادى», دەيدى جاس مامان.
«ناۋرىز جۇمىسكەر» باعدارلاماسى جۇمىسشى ماماندارعا مەملەكەت تاراپىنان جاسالىپ جاتقان ناقتى قولداۋ, ۇلكەن قامقورلىق ەكەنى داۋسىز. باعدارلاماعا قاتىسۋشىلارعا تۇرعىن ءۇي تاڭداۋعا التى اي ۋاقىت بەرىلەدى. باستاپقى جارنانىڭ كولەمى – باسپانا باعاسىنىڭ 10% پايىزى. الايدا بۇل 2 ميلليون تەڭگەدەن كەم بولماۋى ءتيىس.
اتالعان باعدارلاما ىسكە قوسىلعان العاشقى ءۇش كۇننىڭ ىشىندە «وتباسى بانكى» 31 ملرد تەڭگەگە 1 094 ءوتىنىش قابىلداعان. باعدارلاماعا قاتىسۋشىلاردىڭ ورتاشا جاس مولشەرى وتىز بىردە. نەسيە الۋشىلاردىڭ ەڭ جاسى – ەندى عانا ەڭبەك جولىن باستاعان ون توعىزداعى جاستار.
«ەڭ باستىسى, باعدارلاما شىنىمەن دە جۇمىس ىستەيدى. ياعني, جاس ماماندار ءتيىمدى باعامەنتۇرعىن ءۇي ساتىپ الا الادى. قۇرىلىس كومپانيالارى دا تۇرعىندار كۇتىپ قالمايتىنداي تولىق ارلەنگەن ءارى تازا پاتەرلەردى ۇسىنۋعا دايىنوتىر. مەملەكەت باسشىسى 2025 جىلدى جۇمىسشى ماماندىقتارىنىڭ جىلى دەپ جاريالاعانى بەلگىلى. وسىعان وراي ەلىمىزدە جۇمىسشىلاردىڭ ءومىر ءسۇرۋ ساپاسىن جاقسارتۋعا باعىتتالعان ناقتى شەشىمدەر قابىلدانىپ, ىسكە اسىرىلىپ جاتىر. مۇنى زاۋىتتار مەن كاسىپورىندار دا قولداپ وتىر. ال اتالعان مەملەكەتتىك باعدارلا جاس مامانداردىڭ باسپانالى بولۋىنا كومەكتەسەدى», دەيدى «وتباسى بانكى» باسقارما توراعاسىنىڭ ورىنباسارى نۇرلان اقشانوۆ.