بۇل تۋرالى دەپۋتات رينات زايىتوۆ پرەزيدەنت قاسىم-جومارت توقاەۆتىڭ ساياسي رەفورمالارىن ىسكە اسىرۋ – مەملەكەتتىك قۇرىلىستىڭ جاڭا تاريحي كەزەڭىنە ارنالعان ءماجىلىستىڭ جالپى وتىرىسىندا ايتتى, دەپ جازادى Egemen.kz.
دەپۋتات بۇگىنگى كەلەلى جيىن ءۇش جىلدىقتاعى ساياسي رەفورمالاردىڭ ارالىق ناتيجەسىنە ارنالىپ وتىرعانىن ەسكە سالىپ, حالىق قالاۋلىلارىنىڭ جاساعانىنان الدا جاسايتىنى كوبىرەك ەكەنىن ايتتى.
ۇلى جەتىستىكتەرگە بارا جاتقانىمىز انىق. بۇل – تىكەلەي مەملەكەت باسشىسى قاسىم-جومارت كەمەل ۇلى توقاەۆتىڭ ساياسي ينستيتۋتتارعا, ويى بولەك ازاماتتارعا دەگەن سەنىمىنىڭ ارقاسى. مەنىڭ كۇندەلىكتى جۇمىسقا كەلەتىن ساپارىمداعىار قادامىم اياعىمدى ەرىكسىز دىرىلدەتەدى. ويتكەنى كۇندەلىكتى ماجىلىسكە جۇمىسقا كەلە جاتقان ءار دەپۋتاتتىڭ ءار قادامىندا حالىقتىڭ ءۇمىتى, حالىقتىڭ اماناتى جانە حالىقتىڭ تاعدىرى بار.قازاق ءۇشىن قاشاننان دا بەرى ەلدىڭ اماناتى مەن سەنىمىنەن اۋىر جۇك جوق. ء«دوپ» باسساڭ – ەل ءۇمىتىن اقتاعان ەرسىڭ, «قالت» باسساڭ – جاۋدان بەتەر ەزسىڭ!, دەدى زايىتوۆ.
دەپۋتاتتىڭ ايتۋىنشا, پارلامەنت حالىققا اشىق تۇردە جۇمىس ىستەپ جاتىر.
ماجىلىستە اپتا سايىن ساۋال جولداپ, ۇكىمەت مۇشەلەرىن سۇراقتىڭ استىنا الىپ جاتقان دەپۋتتارعا قاراپ حالىقتىڭ ويىنداعى وشكەن ءۇمىت قايتا ءتىرىلدى. كوتەرىلمەي قالعان ماسەلە, ايتىلماي قالعان وي جوق. وسىلايشا, قوعامدى تولعاندىراتىن كوپتەگەن ماسەلە شەشىمىن تاۋىپ, ەلدىڭ ىرگەسى بەكي ءتۇستى. ءاربىر يگى ءىس جۇزەگە اسقان سايىن حالىقتىڭ بيلىككە دەگەن سەنىمى ارتىپ كەلەدى. حالىقتىڭ ءۇنى, تاعدىرى مەن بولاشاعى, ءومىرى مەن وزەگى, ول – پارلامەنت, - دەدى ماجىلىسمەن.
سونداي-اق ول ەلدىڭ تەك جەتكەن جەتىستىكتەرىنە ەمەس, 30 جىلدا كەتكەن كەمىستىكتەرگە دە توقتالىپ, قوعامنىڭ رۋحاني داعدارىسقا ۇشىراپ جاتقانىن العا تارتتى.
وكىنىشكە قاراي, قازىرگى قازاق قوعامى وتە ۇلكەن جىلدامدىقپەن رۋحاني داعدارىسقا ۇشىراپ بارادى. كۇن سايىن ەلىمىزدىڭ ءار تۇپكىرىندە ءبىر وتباسى بۇزىلىپ, ءبىر وقۋشى ءزابىر كورىپ, ءبىر ادام كىسى قولىنان قازا تاۋىپ, بىرەۋ پارا الىپ, بىرەۋ وزىنە قول جۇمساپ, بىرەۋ الاياققا جەم بولىپ جاتادى. مۇنداي مىسالدار تاۋسىلمايدى. بۇگىنگى قازاق قوعامى تۋعانعا تاسباۋىر, جاقىنعا جاۋ, دوسىنا دۇشپان بولىپ كەتتى. قوعامنىڭ قاتىگەز بولا باستاۋىنا نە سەبەپ بولدى دەسەڭىزدەر, بىردەن جاۋاپ بەرۋ قيىن. ويتكەنى ونىڭ سەبەبى بىرەۋ ەمەس. تۇرمىستاعى تارشىلىق, تاربيەنىڭ جوقتىعى, جەتكىنشەكتەرگە ۇلگى بولاتىن تۇلعالاردىڭ قۇبىجىققا اينالۋى, ماتەريالدى بايلىقتىڭ ءبىرىنشى ورىنعا شىعۋى, الەۋمەتتىك جەلىدەگى بەلگىلى تۇلعالاردان باستاپ ءارتۇرلى ءدىن مەن ۇلت وكىلدەرىنىڭ ءوزارا اشىق سوعىسى, ت.س.س. وسىنىڭ ءبارى ادامنىڭ رۋحاني توزىپ, قاتىگەز بولۋىنا اكەلىپ سوعىپ جاتىر, دەيدى رينات زايىتوۆ.