استانادا ليفت ىشىندە پسيحيكالىق اۋىتقۋى بار ءجاسوسپىرىمنىڭ شابۋىلىنا ۇشىراعان 5 جاسار بالا ەمدەلىپ شىقتى. ەندى ول ۇلتتىق بالالاردى وڭالتۋ ورتالىعىنا جىبەرىلمەك. بۇل تۋرالى قالالىق دەنساۋلىق ساقتاۋ باسقارماسى حابارلادى, دەپ جازادى Egemen.kz.
– 2025 جىلعى ءساۋىر ايىندا بالانى ۇلتتىق بالالاردى وڭالتۋ ورتالىعىنا جاتقىزۋ جوسپارلانىپ وتىر, – دەپ مالىمدەدى باسقارما وكىلدەرى.
2024 جىلدىڭ 11 اقپانىندا ەلورداداعى تۇرعىن ۇيلەردىڭ ءبىرىنىڭ ليفتىندە ءجاسوسپىرىم 5 جاسار بالانى پىشاقتاعان. كەيىن بەلگىلى بولعانداي, شابۋىل جاساعان ءجاسوسپىرىم پسيحيكالىق اۋىتقۋىنا بايلانىستى ارنايى ەسەپتە تۇرعان. دارىگەرلەر بالاعا شۇعىل وتا جاساپ, پسيحولوگيالىق كومەك كورسەتتى. قازىرگى ۋاقىتتا شابۋىل جاساعان ءجاسوسپىرىم پسيحياتريالىق ستاتسيوناردا.
دەنساۋلىق ساقتاۋ ءمينيسترىنىڭ ورىنباسارى ەرجان نۇرلىباەۆ ءجاسوسپىرىمنىڭ قوعامعا بەيىمدەلگەن ورتادا بولعانىن اتاپ ءوتتى.
كەيىنىرەك ءجاسوسپىرىمنىڭ جالعىزباستى اناسىنىڭ ونى پسيحيكالىق دەنساۋلىق ورتالىعىنا جاتقىزعانى جانە ۇلىن ۇرعانى جونىندە پوليتسياعا شاعىم تۇسىرگەنى انىقتالدى.