«قازاقستان-قىتاي» ىنتىماقتاستىق كوميتەتىنىڭ 12-ءشى وتىرىسى اياسىندا قازاقستاننىڭ قارجى ۆيتسە-ءمينيسترى داۋرەن كەڭبەيل قىتاي حالىق بانكىنىڭ, قىتاي ەكسيمبانكىنىڭ جانە ازيا ينفراقۇرىلىمدىق ينۆەستيتسيالار بانكىنىڭ (ايب) وكىلدەرىمەن ەكىجاقتى كەزدەسۋلەر وتكىزدى, دەپ حابارلايدى Egemen.kz.
قىتايدىڭ حالىق بانكى توراعاسىنىڭ ورىنباسارى لۋ لەي مىرزامەن كەزدەسۋ بارىسىندا حالىقارالىق قارجى نارىقتارىنداعى اعىمداعى احۋال, ەكىجاقتى قارجىلىق ىنتىماقتاستىقتى دامىتۋ تۋرالى پىكىر الماستى جانە قىتاي نارىعىندا پاندا-بوندتاردى شىعارۋ بويىنشا ءوزارا ءىس-قيمىل تۋرالى ۋاعدالاستى.
قىتاي ەكسيمبانكىنىڭ ۆيتسە-پرەزيدەنتى ۆان كان مىرزامەن قازاقستانداعى ينۆەستيتسيالىق جوبالاردى قارجىلاندىرۋ مەن ىسكە اسىرۋدى, ونىڭ ىشىندە ق.ي. ساتباەۆ اتىنداعى كانالدان استانا قالاسىنا دەيىن № 4 سورعى-سۇزگى ستانتسياسىمەن سۋ قۇبىرىن, الماتى قالاسىنداعى مەترونىڭ جاڭا جەلىلەرىن سالۋدى, سونداي-اق وتكىزۋ پۋنكتتەرىنىڭ كەدەندىك ينفراقۇرىلىمىن جاڭعىرتۋدى تالقىلادى.
بۇدان باسقا, ەكونوميكالىق ىنتىماقتاستىقتى دامىتۋ, ارىپتەستىك تۋرالى نەگىزدەمەلىك كەلىسىمگە قول قويۋ جانە بيۋدجەتتىك قولداۋ بويىنشا جاڭا باعدارلامانى دايىنداۋ ماسەلەلەرى ايب
باس ينۆەستيتسيالىق ديرەكتورى كونستانتين ليميتوۆسكيمەن كەزدەسۋدە قارالدى.
كەزدەسۋلەر قورىتىندىسى بويىنشا تاراپتار بىرلەسكەن جوبالاردى ىسكە اسىرۋعا, ارىپتەستىكتى ودان ءارى دامىتۋعا جانە ءوزارا ءتيىمدى ماقساتتارعا قول جەتكىزۋگە سەنىم ءبىلدىردى.