الماتى وبلىسىنداعى ەسىرتكى قىلمىسىنا قارسى ءىس-قيمىل ءبولىنىcىنىڭ قىزمەتكەرلەرى قۇرامىندا ەسىرتكىسى بار وسىمدىكتەردى زاڭسىز وسىرۋمەن اينالىساتىن قىلمىستىق توپتىڭ قىزمەتىن توقتاتتى, دەپ حابارلايدى Egemen.kz.
ارنايى وپەراتسيا بارىسىندا ءۇش ادام ۇستالدى. جالعا العان ءۇيدىڭ اۋماعىندا جۇرگىزىلگەن ءتىنتۋ ناتيجەسىندە قاراسورا وسىرۋگە ارنالعان اۋدانى 10 سوتىق جىلىجاي تابىلدى. تاركىلەنگەن ەسىرتكىنىڭ جالپى سالماعى 900 كيلوگرامدى قۇرادى. كۇدىكتىلەر ۇستالىپ, ۋاقىتشا ۇستاۋ يزولياتورىنا قامالدى.
«2025 جىلدىڭ باسىنان باستاپ زاڭسىز اينالىمنان ەكى توننادان استام ەسىرتكى, ونىڭ ىشىندە 120 كگ سينتەتيكالىق ەسىرتكى, 600 گرامم كوكاين جانە 140 كگ-نان استام گاشيش تاركىلەندى. ەسىرتكىنىڭ زاڭسىز اينالىمىنا قاتىستى قىلمىستاردى انىقتاۋ جانە جولىن كەسۋ جۇمىستارى جالعاسىپ جاتىر», دەدى ءىىم ەسىرتكى قىلمىسىنا قارسى ءىس-قيمىل كوميتەتى توراعاسىنىڭ ورىنباسارى قۋاندىق ءالجانوۆ.