«قۇدىرەتتى بريۋس» فيلمىندە باستى كەيىپكەر قۇدايمەن 776-2323 ءنومىرى ارقىلى بايلانىسادى. ءفيلمنىڭ وقيعاسى وتەتىن بۋففالو قالاسىندا بۇل ءنومىر بوس بولعانىمەن, باسقا وڭىرلەردە ناقتى ادامدارعا تيەسىلى ەدى.
كورەرمەندەر قۇدايمەن سويلەسۋدى قالاعاندىقتان با, الدە جاي قىزىعۋشىلىقتان با – وسى نومىرگە جاپپاي قوڭىراۋ شالا باستادى. ەڭ ەرەكشە جاعداي سولتۇستىك كارولينا شتاتىنىڭ سەنفورد قالاسىندا بولدى. سەبەبى بۇل ءنومىر جەرگىلىكتى شىركەۋگە تيەسىلى بولىپ شىقتى. فيلمنەن كەيىن شىركەۋ قىزمەتكەرلەرى اياق استىنان جۇزدەگەن قوڭىراۋ قابىلداۋعا ءماجبۇر بولدى. وسى كۇتپەگەن جاعدايدان كەيىن ءفيلمنىڭ DVD نۇسقاسىندا ءنومىردى 555-0123 دەپ وزگەرتۋ تۋرالى شەشىم قابىلداندى. سەبەبى 555 باستاماسى اقش-تا تەك ويدان شىعارىلعان تەلەفون نومىرلەرى ءۇشىن قولدانىلادى.