فين تاراپىنىڭ باستاماسىمەن پرەزيدەنت قاسىم-جومارت توقاەۆ پەن فينليانديا رەسپۋبليكاسىنىڭ پرەزيدەنتى الەكساندر ستۋبب تەلەفون ارقىلى سويلەستى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
مەملەكەتتەر باسشىلارى ەكىجاقتى ىنتىماقتاستىقتىڭ قازىرگى جاي-كۇيى مەن دامۋ پەرسپەكتيۆاسىن تالقىلاپ, ساۋدا-ەكونوميكالىق جانە مادەني-گۋمانيتارلىق بايلانىستاردى ودان ءارى نىعايتۋعا قوس تاراپتىڭ دا بەيىل ەكەنىن راستادى.
ەكى ەل اراسىنداعى قارىم-قاتىناسقا تىڭ سەرپىن بەرۋ ءۇشىن فينليانديا پرەزيدەنتى بيىل قازان ايىندا قازاقستانعا ساپارمەن كەلۋگە دايىن ەكەنىن جەتكىزدى. سونداي-اق الداعى كەزەڭگە جوسپارلانعان جوعارى دەڭگەيدەگى كەلىسسوزدەردىڭ مازمۇنىن بايىتۋدىڭ ماڭىزىنا نازار اۋدارىلدى. ونىڭ قورىتىندىسى قازاق-فين سەرىكتەستىگىنىڭ جاڭا كەزەڭىنە جول اشادى.
سونىمەن قاتار قاسىم-جومارت توقاەۆ پەن الەكساندر ستۋبب بىرقاتار وزەكتى حالىقارالىق ماسەلەلەر بويىنشا پىكىر الماستى. تاراپتار ورنىقتى دامۋدى قامتاماسىز ەتۋ, جاھاندىق بەيبىتشىلىك پەن قاۋىپسىزدىكتى ىلگەرىلەتۋ ماقساتىندا كوپجاقتى ۇيىمدار اياسىنداعى كۇش-جىگەردى ۇيلەستىرۋدىڭ ماڭىزىن اتاپ ءوتتى.