بيىل استانادا ۇلى جەڭىستىڭ 80 جىلدىعىنا ارنالعان اسكەري شەرۋ وتەدى. قورعانىس مينيسترلىگى اسكەري شەرۋگە دايىندىق شارالارىنا بايلانىستى 13 ناۋرىزدان باستاپ جەكە قۇرامدى جانە اسكەري تەحنيكانى تەمىرجول كولىگىمەن تاسىمالداۋ باستالاتىنىن حابارلادى, دەپ جازادى Egemen.kz.
كەي اسكەري تەحنيكالار كۇرە جول بويىمەن دە قوزعالادى.
ۆەدومستۆو وسىعان وراي ەلىمىزدىڭ كەيبىر ايماقتارىنداعى جولداردىڭ جەكەلەگەن ۋچاسكەلەرىندە جول قوزعالىسىنا ۋاقىتشا شەكتەۋ ەنگىزىلۋى مۇمكىن ەكەنىن مالىمدەدى.
سونداي-اق, وسى جىلدىڭ 22 ءساۋىرى مەن 7 مامىر ارالىعىندا اسكەري اۆياتسيانىڭ ۇشۋ جاتتىعۋلارىنا دايىندىق كەزىندە استانا قالاسىندا اۋە كەڭىستىگىن پايدالانۋعا قىسقا مەرزىمدى شەكتەۋلەر قويىلادى.
«وسىعان بايلانىستى اۋە رەيستەرىنىڭ كەستەسىنە دە وزگەرىستەر ەنگىزىلۋى مۇمكىن. ءبىز ازاماتتارعا رەيستەر تۋرالى اقپاراتتى الدىن الا ناقتىلاۋدى ۇسىنامىز», دەلىنگەن قورعانىس مينيسترلىگى تاراتقان رەسمي حابارلامادا.