WAVES ءسامميتىنىڭ ماقساتى قانداي؟

WAVES – مەديا جانە ويىن-سا­ۋىق (M&E) سالاسىن بىرىكتىرەتىن بى­رە­گەي پلاتفورما. ونىڭ ماقساتى – ۇن­دىس­تانداعى مەديا جانە ويىن-سا­ۋىق يندۋسترياسىنا جاھاندىق نازار اۋدارۋدى جانە وسى سەكتوردا ۇندىس­تاندىق تالانتتاردىڭ شەتەلدىك ارىپ­تەستەرىمەن بايلانىس ورناتۋىن ماق­سات ەتەتىن جەتەكشى حالىقارالىق فو­رۋم. بۇگىندە M&E يندۋسترياسى جە­دەل قارقىنمەن دامىپ كەلەدى. بىل­تىر ونىڭ الەمدىك نارىعى شامامەن 2,96 ترلن دوللارعا جەتكەن. ال ءۇندىس­تاننىڭ M&E يندۋسترياسى 2029 جىلعا قاراي 50 ملرد دوللارعا جەتۋى مۇمكىن.

گ.دۆيۆەدي قازاقستاندىق جۋرناليستەرمەن كەزدەسۋىندە WAVES ءسامميتى مەديا جانە ويىن-ساۋىق سەكتورىنىڭ دامۋىنا سەرپىن بەرۋ ءۇشىن ءتۇرلى ەلدەن كەلگەن ۇلتتىق دەلە­گاتسيالاردى, جاھاندىق جانە ۇندى­ستاندىق سالا كوشباسشىلارىن, ساياساتكەرلەردى, يندۋستريا وكىلدەرىن جانە جاڭاشىلداردى ءبىر الاڭعا جينايتىنىن جەتكىزدى. قازاقستاننىڭ مەديا سالاسى ماماندارىن دا وسى سامميتكە بەلسەندى قاتىسىپ, ءوزارا تاجىريبە الماسۋعا شاقىردى.

«مۇندا سالانىڭ بولاشاعى, مۇمكىندىكتەرى مەن سىن-قاتەرى تالقى­لانادى. جاھاندىق M&E سەكتورى كينو, تەلەديدار, راديو حابار تاراتۋ, ءباسپاسوز, جاڭالىقتار, جاڭا مەديا, جارناما, انيماتسيا, ۆيزۋالدى ەففەكتىلەر (VFX), ويىندار مەن كيبەرسپورت, تولىقتىرىلعان/ۆيرتۋالدى/كەڭەيتىلگەن شىنايىلىق (AR/VR/XR), مۋزىكا جانە باسقا دا سالالاردى قامتيدى», دەدى ول.

مەديا مامانىنىڭ سوزىنەن ۇققا­نىمىز, بۇگىندە جەدەل قارقىنمەن دامىپ كەلە جاتقان ءۇندىستاننىڭ M&E يندۋسترياسىندا دا الدىنا قويىپ وتىرعان ماقساتى زور. اتاپ ايتقاندا, ءۇندىستاندى جاھاندىق كونتەنت ورتالىعى رەتىندە قالىپتاس­تىرۋ جانە كونتەنت ەكسپورتتاۋشىسى­نا اينالدىرۋ, ءۇندىستاننىڭ ءارتۇرلى مادەني مۇراسىن قامتيتىن باي زياتكەرلىك مەنشىك ەكوجۇيەسىن قۇرۋ, ءۇندى مەدياسىنىڭ جاھاندىق نارىقتاعى ۇلەسىن ارتتىرۋ, ءوز ەلدەرىن ءىرى جاھاندىق ينۆەستيتسيالىق ن­ارىق رەتىندە قالىپتاستىرۋدى كوز­دەيدى. سونىمەن قاتار ءۇندى جانە حا­لىق­ارالىق سەرىكتەستەردىڭ ستراتە­گيا­لىق ارىپتەستىكتەرى مەن ىنتى­ماق­تاس­تىقتارىن دامىتۋ, نارىق­تى كەڭەيتۋ, بىرلەسكەن كونتەنت ءون­دىرۋ جانە ءوزارا تولىقتىراتىن مۇم­كىندىك­تەردى پايدالانۋ سىندى ۇلكەن ماقساتى بار.

گ.دۆيۆەدي WAVES مۇمكىندىك­تەرىن پايدالانۋ قاي مەملەكەتكە بول­سىن پايدالى ەكەنىن ايتادى. ماسەلەن, قازاقستاندىق ماديا ماماندارى دا جاھاندىق نارىقتارعا جانە اۋديتوريالارعا شىعۋ ارقىلى جاڭا ىسكەرلىك بايلانىستاردى ورناتۋعا جانە Craft2Commerce (ونەردەن بيزنەسكە) ترانسفورماتسياسىنا ىقپال ەتۋگە, ارىپتەستىك پەن ىنتىماقتاستىق ورناتۋ ارقىلى بيزنەستىڭ وسۋىنە, ءبىلىم الماسۋ جانە ۇزدىك تاجىريبەلەردى ەنگىزۋ ارقىلى سالانىڭ تيىمدىلىگىن ارتتىرۋعا, جاھاندىق يندۋستريا كوشباسشىلارىمەن بايلانىس ورناتۋعا, باسقا دا مۇمكىندىكتەرگە قول جەتكىزبەك. سونىمەن قاتار WAVES ءسامميتى اياسىندا بايقاۋلار مەن كورمەلەر, ىسكەرلىك كەزدەسۋلەر, ت.ب. ءىس-شارالار وتەدى.