بۇل تۋرالى مادەنيەت جانە اقپارات مينيسترلىگىنىڭ ءباسپاسوز قىزمەتى حابارلادى, دەپ جازادى Egemen.kz.
حالىقارالىق ايەلدەر كۇنى قارساڭىندا مادەنيەت جانە اقپارات ءمينيسترى مەملەكەت باسشىسىنىڭ اتىنان قوعامدىق قىزمەتى مەن ەلىمىزدىڭ مادەني دامۋىنا قوسقان ەلەۋلى ۇلەسى ءۇشىن مەملەكەتتىك ناگرادالاردى تابىستادى.
قۇرمانعازى اتىنداعى قازاق ۇلتتىق كونسەرۆاتورياسىنىڭ «مۋزىكاتانۋ جانە كومپوزيتسيا» كافەدراسىنىڭ پروفەسسورى وتەعاليەۆا ساۋلە ىسقاققىزىنا «قۇرمەت» وردەنى تابىستالسا, قۇرمانعازى اتىنداعى قازاق ۇلتتىق كونسەرۆاتورياسىنىڭ رەكتورى تاسبەرگەنوۆا گاۋحار قوشقاربەكقىزىنا «ەرەن ەڭبەگى ءۇشىن» مەدالى تابىستالىپ, كاسىپكەر, پروديۋسەر, «قازاق انالارى – داستۇرگە جول» رەسپۋبليكالىق قوعامدىق بىرلەستىگىنىڭ ءتورايىمى جۇگىنىسوۆا اينۇر سەرىكقىزىنا «شاپاعات» مەدالى تابىستالدى.