بۇگىن ساعات 11: 00-دە الماتى وبلىسىنداعى ۇزىناعاش اۋىلى ماڭىندا سۇزگى القاپتارىنىڭ قورعانىس بوگەتى بۇزىلعان ەدى, دەپ جازادى Egemen.kz.
سالدارىنان «ۇزىناعاش اۋىلىنا كىرەبەرىس» جولىنىڭ 3-شاقىرىمىن سۋ باسىپ قالعان. «قازاۆتوجول» ۇق» اق تاسقىن سۋدىڭ ەنى 100 مەتر, بيىكتىگى 5 سم-گە جەتكەنىن حابارلادى.
توتەنشە جاعدايدان سوڭ سۋدى بۇرۋ ءۇشىن جەدەل ارىق جۇيەسى جاسالىپ, اعىن وزەنگە باعىتتالىپ, جول جيەگىن نىعايتۋ جانە جولدى تازارتۋ جۇمىستارى جۇرگىزىلگەن.
وسى ءىستى اتقارۋعا 10 ادام جانە 5 تەحنيكا جۇمىلدىرىلعان.
«قازاۆتوجول» ساعات 13:30-دا سۋدىڭ تاسۋى توقتاتىلىپ, قوزعالىس تولىق قالپىنا كەلتىرىلگەنىن مالىمدەدى. جول بۇزىلماعان. ونداعى قاۋىپسىزدىك كومپانيا تاراپىنان باقىلاۋعا الىنعان.