CTS كولىك كومپانياسى استانا حالىقارالىق اۋەجايى ماڭىندا قابانباي باتىر داڭعىلى بويىندا ورنالاسقان LRT ستانسالارىنىڭ ءبىرىن كورسەتتى, دەپ حابارلايدى Egemen.kz.
«City Transportation Systems» جشس ءباسپاسوز قىزمەتىنىڭ حابارلاۋىنشا, №101 جوبالىق اتاۋىمەن بەلگىلى ستانساسىندا ارلەندىرۋ جۇمىسىنىڭ بارلىعى اياقتالدى. سونداي-اق مەتالل كونسترۋكتسيالار مونتاجدالىپ (497,51 توننا), سىرتى ارنايى ماتەريالدارمەن قاپتالدى (4765 م²).
LRT-نىڭ بولاشاق ستانساسى ەسكالاتورلارمەن, ليفتتەرمەن, جولاۋشىلار ءۇشىن ىڭعايلى ينتەراكتيۆتى ەكراندارمەن جابدىقتالعان. LRT جەلىسى جەردەگى (11 ستانسا) جانە جەرۇستى (7 ستانسا) بولىپ بولىنەتىن ەكى دەڭگەيلى زالدارى مەن پلاتفورمالارى بار 18 ستانسادان تۇرادى.
كومپانيانىڭ ءباسپاسوز قىزمەتى سىعاناق (ەكى ستانسا), ش.قالداياقوۆ ء(تورت ستانسا) كوشەلەرىندە جانە «نۇرلى جول» تەمىرجول ۆوكزالى اۋدانىندا ء(بىر ستانسا) ورنالاسقان ستانسالاردى جول ورتاسىنا قاراي ورنالاسۋى ەرەكشەلەندىرىپ تۇرعانىن جەتكىزدى. ولارعا جەتۋ قاۋىپسىز بولۋى ءۇشىن جەتى ستانسانىڭ ارقايسىسىنا ەكى-ەكىدەن جەرۇستى وتكەلدەرىن سالۋ قاراستىرىلعان.