استانالىق جاس حوككەيشىلەر حالىقارالىق تۋرنيردە كۇمىس جۇلدە يەلەندى

استانالىق جاس حوككەيشىلەر كومانداسى العاش رەت Quebec International Pee-Wee Hockey Tournament حالىقارالىق تۋرنيرىنە قاتىسىپ, AA-Elites (11–12 جاس) ساناتىندا كۇمىس جۇلدەگەر اتانىپ وتىر.

ء«بىز وسى بەدەلدى تۋرنير تاريحىنا ەنگەنىمىزگە وتە قۋانىشتىمىز. بۇل – ءبىز ءۇشىن العاشقى تاجىريبە جانە ءوز كوماندامىزبەن ماقتانامىز. ەڭ ەستە قالعان ءسات – فينالدىق ويىن, ونى 12 مىڭ كورەرمەن تاماشالادى», دەدى كوماندانىڭ باس باپكەرى ۆلاديمير زاحاروۆ.

ەلوردا اكىمدىگىنىڭ رەسمي سايتى اتالعان تۋرنيرگە قالا اكىمدىگىنە قاراستى №10 بالالار مەن جاسوسپىرىمدەردىڭ شايبالى حوككەيدەن مامانداندىرىلعان سپورت مەكتەبىنىڭ تاربيەلەنۋشىلەرى قاتىسقانىن ايتادى.

اتالعان حالىقارالىق تۋرنير 1960 جىلدان بەرى جىل سايىن وتكىزىلىپ كەلەدى جانە 12 جاسقا دەيىنگى حوككەيشىلەر اراسىنداعى الەمدەگى ەڭ بەدەلدى جارىستاردىڭ ءبىرى سانالادى.