ءماجىلىس تاۋارلاردىڭ شىعارىلعان ەلىن ايقىنداۋ ماسەلەلەرى تۋرالى زاڭدى ەكىنشى وقىلىمدا قابىلدادى. بۇل زاڭعا سايكەس, كاسىپورىنداردى قازاقستاندىق ءوندىرۋشى رەتىندە تانۋ ءۇشىن ارنايى تالاپتار قويىلادى, دەپ جازادى Egemen.kz.
بۇگىندە تەحنولوگيالىق وپەراتسيالار سيپاتتاماسى بار 2400-دەن استام ءونىم توبى انىقتالعان. ءماجىلىستىڭ مالىمەتىنشە, كاسىپورىن بەلگىلى ءبىر ءونىم بويىنشا قاجەتتى وپەراتسيالاردى ورىنداسا, ول وتاندىق ءوندىرۋشى مارتەبەسىن الادى.تىزىلىمگە تەگىن ەنگىزۋ پروتسەسسى مىنا كەزەڭدەردى قامتيدى: ءوتىنىم بەرۋ - تسيفرلىق تەكسەرۋ - ءوندىرىستى باعالاۋ - ەنگىزۋ نەمەسە باس تارتۋ تۋرالى شەشىم. سودان كەيىن كاسىپورىن ءۇش اي سايىن مونيتورينگتەن وتەدى. ءوندىرىس توقتاتىلعان نەمەسە سايكەسسىزدىكتەر انىقتالعان جاعدايدا ونى تىزىمنەن شىعارۋ ماسەلەسى قارالادى. كەلىسپەۋشىلىك تۋىنداعان جاعدايدا ءوندىرۋشى اپەللياتسيالىق كوميسسياعا شاعىمدانا الادى. شاعىمدى «اتامەكەن» ۇلتتىق كاسىپكەرلەر پالاتاسى مەن سالالىق قاۋىمداستىقتاردىڭ وكىلدەرىمەن بىرگە قارايدى.ەندى وتاندىق تاۋار وندىرۋشىلەر مەملەكەت تاراپىنان سۋبسيديالار, ەكسپورت شىعىندارىنىڭ ءبىر بولىگىن وتەۋ, شەتەلدىك كورمەلەرگە قاتىسۋ, كولىك شىعىندارىنىڭ ءبىر بولىگىن جابۋ جانە باسقا دا قولداۋعا يە بولادى. سونىمەن بىرگە ەندى ۇلتتىق رەجيمنەن بوساتىلعان تاۋارلاردى ساتىپ الۋ كەزىندە كونكۋرس تەك وسى تىزىلىمگە ەنگىزىلگەن كاسىپورىندار اراسىندا وتكىزىلەدى. ياعني, تەندەر جەڭىمپازدارى وتاندىق تاۋار وندىرۋشىلەردىڭ ونىمدەرىن ساتىپ الۋعا مىندەتتەلەدى.