قورعانىس مينيسترلىگى كادرلاردى ىرىكتەۋ مەن دايارلاۋ ساپاسىن ارتتىرۋ ءۇشىن تسيفرلىق تەحنولوگيالاردى بەلسەندى ەنگىزىپ جاتىر. بۇل تۋرالى بۇگىن ورتالىق كوممۋنيكاتسيالار الاڭىندا ءوتىپ جاتقان بريفينگتە پولكوۆنيك, قورعانىس مينيسترلىگى اسكەري ءبىلىم جانە عىلىم دەپارتامەنتىنىڭ باستىعى مۇرات ولجاباەۆ ايتتى, دەپ جازادى Egemen.kz.
ەلىمىزدەگى اسكەري وقۋ ورنىنا تۇسۋگە نيەتتى تالاپكەرلەر, الدىمەن تۇرعىلىقتى جەرى بويىنشا جەرگىلىكتى اسكەري باسقارۋ ورگانى باسشىسىنىڭ اتىنا وتىنىشپەن جۇگىنۋى ءتيىس.
تالاپكەرلەرگە ۇبت-نىڭ 5 ءپانى بويىنشا كەمىندە 50 بالل جيناۋى ءتيىس. ونىڭ ىشىندە بەيىندى پاندەردىڭ بىرەۋى بويىنشا كەمىندە 7 بالل جانە قالعان پاندەردىڭ ارقايسىسى بويىنشا كەمىندە 3 بالل جيناۋى شارت.
«ەندى اسكەري وقۋ ورىندارىنا e-Gov ارقىلى الدىن الا مەديتسينالىق تەكسەرۋسىز ءوتىنىش بەرۋگە بولادى, ال ارنايى تەكسەرۋ العاش رەتتە ونلاين جۇزەگە اسىرىلادى. ونلاين-كۋرستار, ەلەكتروندى كىتاپحانا جانە جۋرنالدارى بار بىرىڭعاي اسكەري ءبىلىم بەرۋ پلاتفورماسى قۇرىلدى. 2025 جىلى 3 مىڭنان استام اسكەري قىزمەتشىنى تسيفرلىق كۋرستار ارقىلى وقىتۋ جوسپارلانىپ وتىر», دەدى مۇرات ولجاباەۆ.
سونىمەن قاتار «سروچنيكي 2.0» جوباسى ىسكە قوسىلعان. بۇل جوبا مەرزىمدى اسكەري قىزمەتشىلەرگە ءبىلىم گرانتتارىن الۋ مۇمكىندىگىن بەرەدى. قازىرگى تاڭدا 2 مىڭنان استام سارباز تەستىلەۋدەن ءوتتى, 11 مىڭنان استام اسكەري قىزمەتشى قاتىسادى.