ەرەكشە شىعارمالار كوڭىلدى تۇرتپەكتەپ, جۇرەكتى قوزعاعان شابىتتان تۋسا كەرەك. الايدا ول قايدان, قالاي كەلەتىنىن ءدوپ باسىپ ايتا المايمىز. ءار شىعارماشىلىق ادامى وزىنشە تۇيسىنەدى. اركىمنىڭ شابىت شاقىراتىن ءوز ءتاسىلى بار. ماسەلەن, حارۋكي مۋراكامي ءونىمدى جازۋ ءۇشىن ءتارتىپتى ءجون ساناعان.
جازۋشى كۇن سايىن تاڭعى تورتتە تۇرىپ, 10 كم جۇگىرگەن نە 1, 5 كم جۇزگەن. كەيدە ەكەۋىنە دە ۇلگەرەتىن. ءتانىن شىڭداپ, جانىن قۋاتتاعان اسەردەن سوڭ بەس-التى ساعات جۇمىس ىستەگەن. ودان كەيىن كۇنى بويى كىتاپ وقىپ, ەرتەرەك ۇيقىعا جاتقان. وسى رەجىمدى ۇستاعان جازۋشى «مەن اسەرلەنۋ ءۇشىن ءوز-ءوزىمدى تاڭعالدىراتىن ىسپەن اينالىسامىن», دەيدى.