باس پروكۋراتۋرا ءىرى مولشەردە گاشيش ەسىرتكى قۇرالى مەن مەفەدرون پسيحوتروپتىق زاتىنىڭ كونترابانداسى ءۇشىن قىلمىستىق جاۋاپتىلىققا تارتۋ ماقساتىندا تاجىكستان ازاماتىن رەسەي فەدەراتسياسىنان ەكستراديتسيالادى, دەپ حابارلايدى Egemen.kz.
2022 جىلدىڭ تامىز ايىندا كۇدىكتى قوستاناي وبلىسىنداعى قازاقستان رەسپۋبليكاسىنىڭ مەملەكەتتىك شەكاراسى ارقىلى تىيىم سالىنعان زاتتاردى تاسىمالداماق بولعان كەزدە شەكارا قىزمەتكەرلەرى ۇستاعان.
كۇدىكتىنىڭ جەكە باسىن ەسكەرە وتىرىپ, تەرگەۋ ورگانى وعان قوعامنان وقشاۋلاۋمەن بايلانىستى ەمەس بۇلتارتپاۋ شاراسىن تاڭداعان.
الايدا ول بۇل جاعدايدى پايدالانىپ, بەلگىلەنگەن جاۋاپتىلىقتان قۇتىلۋ ءۇشىن تەرگەۋدەن جاسىرىنىپ, وسىعان بايلانىستى وعان حالىقارالىق ىزدەۋ جاريالاندى.
2024 جىلدىڭ مامىر ايىندا كۇدىكتى ەكاتەرينبۋرگ قالاسىندا ۇستالىپ, سودان كەيىن قازاقستان رەسپۋبليكاسىنىڭ باس پروكۋراتۋراسىنىڭ سۇراۋى بويىنشا قازاقستانعا ەكستراديتسيالاندى.
قازىرگى تاڭدا كۇدىكتى تەرگەۋ يزولياتورىنا قامالدى.
ايىپتالعان قىلمىستى جاساعانى ءۇشىن مۇلكىن تاركىلەپ, جەتى جىلدان ون ەكى جىلعا دەيىن باس بوستاندىعىنان ايىرۋ تۇرىندەگى جازا قاراستىرىلعان.