د. سەرىكباەۆ اتىنداعى شىعىس قازاقستان تەحنيكالىق ۋنيۆەرسيتەتىندە «قازاقستان رەسپۋبليكاسىنىڭ تاۋ-كەن ءوندىرۋشى كاسىپورىندارىنىڭ عىلىمي-تەحنولوگيالىق دامۋى» تاقىرىبىندا ماڭىزدى عىلىمي-تەحنيكالىق سەسسيا وتكىزىلدى. بۇل شارا قازاقستان رەسپۋبليكاسىنىڭ عىلىم جانە جوعارى ءبىلىم مينيسترلىگى مەن «كازتسينك» جشس قولداۋىمەن ۇيىمداستىرىلدى, دەپ جازادى Egemen.kz.
سەسسيانىڭ باستى ماقساتى – قازاقستاننىڭ تاۋ-كەن ءوندىرۋشى كاسىپورىندارىنىڭ عىلىمي-تەحنولوگيالىق دامۋ باعىتتارىن تالقىلاۋ, عىلىمي ازىرلەمەلەردى كوممەرتسياليزاتسيالاۋ ماسەلەلەرىن شەشۋ جانە عىلىمي-زەرتتەۋ مىندەتتەرىنە قاتىستى ستراتەگيالىق سەسسيالار وتكىزۋ بولدى. ءىس-شاراعا قازاقستاننىڭ 54 جەتەكشى عالىمى, «كازتسينك» جشس كومپانياسىنىڭ 12 ساراپشىسى, سونداي-اق ۇلتتىق كاسىپكەرلەر پالاتاسى «اتامەكەن» وكىلدەرى مەن «قازتسينك» كومپانياسىنىڭ باسشىلىعى قاتىستى.عىلىمي-تەحنيكالىق سەسسيانىڭ العاشقى كۇنى پلەنارلىق ءماجىلىس ءوتىپ, وندا قاتىسۋشىلار عىلىم مەن ءوندىرىستىڭ قازىرگى جاعدايى جانە ونىڭ بولاشاعى تۋرالى ءوز پىكىرلەرىن ورتاعا سالدى. د. سەرىكباەۆ اتىنداعى شىعىس قازاقستان تەحنيكالىق ۋنيۆەرسيتەتىنىڭ عىلىم جانە يننوۆاتسيالار بويىنشا پرورەكتورى جادىرا قوڭىرباەۆا تاۋ-كەن ءوندىرۋشى كاسىپورىندارىنىڭ دامۋىنا وقۋ ورىننىڭ الار ءرولى, ەكونوميكانىڭ كادرلارىن دايارلاۋ, ۇلتتىق ينجەنەرلىك ءبىلىم بەرۋ مودەلى, ەڭبەك نارىعى مەن شقو يندۋسترياسىنىڭ قاجەتتىلىكتەرى تۋرالى ايتتى.ءسوز العان سەسسيانىڭ مودەراتورى و. مەتسيك عىلىمي-تەحنولوگيالىق دامۋ باعىتتارى مەن تۇيىتكىلدى ماسەلەلەردى ورتاعا سالىپ, تالقىلادى.
ءىس-شارادا «بيزنەستى باعالاۋ جانە زەرتتەۋ ماسەلەلەرىن تۇجىرىمداۋ» اتتى وقىتۋ بلوكتارى وتكىزىلدى. بۇل بلوكتاردا قاتىسۋشىلار تەحنولوگيالىق دەلدالدىق جانە Tريز ادىستەمەسىنىڭ ەلەمەنتتەرى ارقىلى عىلىمي جوبالاردى باعالاۋدى ۇيرەندى. ەكىنشى كۇنى قاتىسۋشىلار عىلىمي جوبالاردىڭ پروتوتيپتەرىن ازىرلەۋگە جانە «كازتسينك» جشس ءۇشىن باسىم عىلىمي جوبالاردى ىرىكتەۋگە نازار اۋداردى. قاتىسۋشىلار وزدەرىنىڭ عىلىمي-تەحنولوگيالىق پروتوتيپتەرىن ۇسىندى, ولار ساراپشىلاردىڭ داۋىس بەرۋى ارقىلى باعالاندى. قورىتىندىسىندا, كاسىپتەندىرۋ ءۇشىن ىسكە اسىرىلاتىن توپ-5 عىلىمي جوبا تاڭدالدى.سەسسيا سوڭىندا قاتىسۋشىلارعا سەرتيفيكاتتار تاپسىرۋمەن بىرگە, ءبىلىم جانە عىلىم مينيسترلىگى عىلىم كوميتەتى مەن «كازتسينك» جشس ساراپشىلارىنىڭ پىكىرلەرى ۇسىنىلدى. بۇل عىلىمي-تەحنيكالىق سەسسيا قازاقستاننىڭ كەن ءوندىرۋ ونەركاسىبىندە يننوۆاتسيالىق شەشىمدەر ازىرلەۋگە جانە عىلىم مەن ءوندىرىس اراسىنداعى بايلانىستى نىعايتۋعا ۇلكەن سەپتىگىن تيگىزدى.