قاراعاندىدا العاش رەت «ادال ازامات» جوباسىنىڭ جەڭىمپازدارى ماراپاتتالدى. قاراعاندى وبلىسىنىڭ اقساقالدار كەڭەسىنىڭ باستاماسىمەن وتكىزىلگەن باي̆قاۋ قازاقستان حالقى اسسامبلەياسىنىڭ 30 جىلدىعى مەن جۇمىسشى ماماندىقتار جىلىنا وراي̆ ۇي̆ىمداستىرىلعان.
«ادال ازامات» جوباسى بىرلىكتىڭ, ىنتىماقتاستىقتىڭ, ادىلەتتىلىكتىڭ, زاڭ مەن ءتارتىپتىڭ جالپىۇلتتىق قۇندىلىقتارىنا بەرىلگەن جوعارى ادامگەرشىلىك جانە جاۋاپتى تۇلعالاردى تاربيەلەۋگە باعىتتالىپ وتىر.
جەڭىمپازداردى ىرىكتەۋ كەزىندە ولاردىڭ كاسىبي ەڭبەگىنە عانا ەمەس, سونداي̆-اق «ادال ازامات» يدەالىنىڭ قۇندىلىق باعدارلارىن بەي̆نەلەي̆تىن جەكە قاسيەتتەرىنىڭ بولۋىنا باستى نازار اۋدارىلدى.
«ادال ازامات» جوباسىنىڭ «ۇلاعاتتى ۇستاز» نوميناتسياسىمەن تەمىرتاۋ قالاسىنىڭ №14 مەكتەپ-ليتسەي̆ىنىڭ فيزيكا جانە روبوتوتەحنيكا مۇعالىمى ۆارزين ۆياچەسلاۆ ماراپاتتالدى. «ەرەن ەڭبەك يەسى» نوميناتسياسىنىڭ ۇزدىك وكىلى رەتىندە ت.كۇزەمباەۆ اتىنداعى شاحتانىڭ الدىڭعى قاتارلى بريگادالارىنىڭ ءبىرىنىڭ ۇڭعىماشىسى نۇرلان ساتماعامبەتوۆ تانىلدى. «مادەنيەت ماي̆تالمانى» نوميناتسياسىن بالالار مەن جاسوسپىرىمدەرگە ارنالعان تەمىرتاۋ تەاترىنىڭ 3-رازريادتى تىگىنشىسى تاتيانا رۋبان يەمدەندى.«ادىلدىك ساقشىسى» نوميناتسياسى بوي̆ىنشا وڭتۇستىك-شىعىس پوليتسيا ءبولىمىنىڭ جەرگىلىكتى پوليتسيا قىزمەتى بولىمشەسىنىڭ يۋۆەنالدى پوليتسيا توبىنىڭ ۋچاسكەلىك پوليتسيا ينسپەكتورى اي̆دانا شاي̆مەردەنوۆا جەڭىمپاز اتاندى. قاراعاندى قالاسى توتەنشە جاعداي̆لار باسقارماسىنىڭ №10 ءورت ءسوندىرۋ ءبولىمى باستىعىنىڭ ورىنباسارى ماگاربي بۋزۋركاەۆ «ەرجۇرەك قۇتقارۋشى» اتاندى.
ال «ابزال جان» نوميناتسياسىن قاراعاندى قالاسىنىڭ №3 ەمحانانىڭ وتباسىلىق دەنساۋلىق ورتالىعىنىڭ ءبولىم مەڭگەرۋشىسى عاليا مىڭتاەۆا يەمدەندى.
سونىمەن قوسا «ىزگىلىك جارشىسى» نوميناتسياسىنىڭ ۇزدىك وكىلى بولىپ ەرىكتى ارينا بەكباەۆا لاي̆ىق دەپ تانىلدى.
قاراعاندى وبلىسىنىڭ اكىمى ەرماعانبەت بولەكپاەۆ قۇتتىقتاۋ سوزىندە اقساقالدار كەڭەسىنىڭ داستۇرلەردى ساقتاۋداعى جانە جاس ۇرپاقتى تاربيەلەۋدەگى ەرەكشە ءرولىن اتاپ ءوتتى. «جەرگىلىكتى حالىقتىڭ ساپالىق قۇرامى سالاۋاتتى باسەكەلەستىك پەن جاۋاپتى ازامات – ەڭبەك ادامىنىڭ وڭ ءيميدجىن قالىپتاستىرۋ ءۇشىن جەمىستى جاعداي̆ جاساي̆دى» دەدى.
ءىس-شارانىڭ رەسمي بولىمىنەن كەي̆ىن قوناقتارعا ءوڭىردىڭ ەتنومادەني بىرلەستىكتەرىنىڭ شىعارماشىلىق ۇجىمدارىنىڭ, قالي باي̆جانوۆ اتىنداعى كونتسەرتتىك بىرلەستىگى ارتىستەرىنىڭ قاتىسۋىمەن سالتاناتتى كونتسەرت ۇي̆ىمداستىرىلدى. اي̆تا كەتەي̆ىك, وسىمەن ءتورتىنشى رەت ءوتىپ جاتقان كەڭەس وتىرىسى بۇعان دەي̆ىن استانا, اقتاۋ, تۇركىستان قالالارىندا ۇي̆ىمداستىرىلعان بولاتىن.