مەملەكەت باسشىسىنىڭ الەۋمەتتىك ماڭىزى بار جوبالاردى ىسكە اسىرۋ جونىندەگى تاپسىرماسىن ورىنداۋ اياسىندا ۇكىمەت ۇلىتاۋ وبلىسىنىڭ قاراجال قالاسىندا 80 ورىندىق مەكتەپ سالۋعا ارناۋلى مەملەكەتتىك قوردان 1,4 ملرد تەڭگەدەن استام قاراجات ءبولدى, دەپ حابارلايدى Egemen.kz.
بۇل جاڭالىقتى قاراجال تۇرعىندارى قۋانا قۇپتادى. جاڭا مەكتەپ قازىنالى ءوڭىردىڭ «ۆوكزال» شاعىن اۋدانىندا سالىنادى.
قاراجال قالالىق ءبىلىم ءبولىمىنىڭ باسشىسى تىلەش اشتاەۆ بۇل ماسەلەنى شاعىن اۋدان تۇرعىندارىمەن بىرلەسىپ كوپتەن بەرى كوتەرىپ كەلگەنىن ايتادى.
«اۋدانىمىزداعى باستاۋىش مەكتەپ عيماراتى شاعىن بولعاندىقتان, بارلىق بالانى قاجەتتى ورىنمەن قامتاماسىز ەتە الماي وتىرمىز. سول سەبەپتى بالالاردىڭ باسىم بولىگى باسقا اۋدانداعى مەكتەپتەردەن ءبىلىم الادى. ولار ەكى اۋىسىمدا اۆتوبۋسپەن تاسىمالدانادى. جاڭا ءبىلىم وشاعىنىڭ سالىنۋى وقۋشىلاردىڭ زامان تالابىنا ساي ءبىلىم الۋىنا مۇمكىندىك بەرەدى», دەدى تىلەش اشتاەۆ.
ۇلىتاۋ وبلىسى