«قازاقمىس» ۇجىمدىق كەلىسىم-شارتتا كوزدەلگەندەي, «جومارت» كەنىشىندە قازا تاپقانداردىڭ وتباسىنا بارلىق قاجەتتى كومەكتى كورسەتەتىنىن مالىمدەدى, دەپ حابارلايدى Egemen.kz.
الەۋمەتتىك جانە ماتەريالدىق قولداۋ ماقساتىندا, سونىڭ ىشىندە مورالدىك زياندى وتەۋ ءۇشىن, قازا تاپقانداردىڭ وتباسىنا جۇمىسكەردىڭ ورتاشا جىلدىق جالاقىسىنىڭ 10 ەسەلەنگەن مولشەرى جانە 2 ميلليون تەڭگەدەن استام جەرلەۋ راسىمدەرىن ۇيىمداستىرۋعا تولەنەدى.
سونداي-اق اسىراۋشىسىنان ايىرىلۋ جاعدايىنا اي سايىنعى تولەمدەر, بالالاردىڭ وقۋ اقىسىن تولەۋ, قازا تاپقان جۇمىسشىلاردىڭ نەسيە جانە قارىزدارىن جابۋ, سونداي-اق وتباسى مۇشەلەرىنىڭ ءوتىنىشى بويىنشا باسقا دا كومەك تۇرلەرى قاراستىرىلعان.